U-20 World Athletics C'ships : रुपल चौधरीनं पटकाविलं ब्राॅंझ; ऍथलिट हाेण्यासाठी वडिलांसमाेर बसली हाेती उपाेषणास

याआधी (4X400 मिश्र रिलेत) भारताला रौप्यपदक मिळवून देण्यात रुपलनं भूमिका बजावली हाेती. या स्पर्धेतील तिचे हे दुसरे पदक आहे.
rupal chaudhary, World Athletics U20 Championships 2022, Hima Das, India
rupal chaudhary, World Athletics U20 Championships 2022, Hima Das, Indiasaam tv

World Athletics U20 Championships 2022: कोलंबिया येथे सुरू असलेल्या जागतिक ऍथलेटिक्स अजिंक्यपद स्पर्धेत महिला गटातील चार मीटर धावणे क्रीडा (sports) प्रकारात भारताच्या रुपल चौधरीनं (rupal chaudhary) (५१.८५) वेळ नाेंदवीत तृतीय स्थान मिळविलं. तिच्या या यशामुळे देशाच्या खात्यात कांस्यपदकाची भर पडली आहे. (Rupal Chaudhary Latest Marathi News)

या स्पर्धेत ग्रेट ब्रिटनच्या येमी मेरी जॉननं (51.50) तर केनियाच्या डमारिस मुटुंगाने (51.71) अशी वेळ नाेंदवित अनुक्रमे सुवर्ण आणि राैप्यपदक जिंकलं. दरम्यान रुपलच्या कामगिरीनंतर तिचे भारतीय क्रीडाप्रेमीं काैतुक करु लागले आहेत. ढिंग एक्सप्रेस म्हणून सुपरिचित असलेल्या हिमा दास हिच्यानंतर रुपल चाैधरी ही चारशे मीटर धावणे क्रीडा प्रकारात या स्पर्धेत कांस्यपदक मिळविणारी देशाची दूसरी खेळाडू ठरली आहे.

या स्पर्धेत एक रौप्य आणि एक कांस्य पदकांसह भारत सध्या इरिट्रियासह पदकतालिकेत संयुक्त सत्तराव्या स्थानावर आहे. यूएसए पाच सुवर्ण, दोन रौप्य आणि तीन कांस्यांसह अव्वल स्थानावर आहे, त्यानंतर केनिया (तीन सुवर्ण, एक रौप्य आणि दोन कांस्य) दुसऱ्या स्थानावर आहे आणि दक्षिण आफ्रिका (दोन सुवर्ण, दोन कांस्य) तिस-या स्थानावर आहे.

रुपलनं एकदा वडिलांसमाेर केलं हाेतं उपाेषण

शेतकरी कुटुंबात जन्मलेल्या रुपल चाैधरीने तिला मेरठमधील एका स्टेडियममध्ये घेऊन जाण्यासाठी तसेच एक ऍथलीट बनण्याचे स्वप्न पूर्ण करण्यासाठी वडिलांसमाेर उपोषण केले हाेते. ही घटना (सन 2016 आणि 17) मध्ये घडली. रुपल नववी पास झाल्यानंतर तिला तिच्या वडिलांनी मेरठच्या कैलाश प्रकाश स्टेडियममध्ये नेण्याचे वचन दिले. परंतु हे स्टेडिमय तिच्या गावापासून अठरा किलाेमीटर अंतरावर असल्याने तिच्या वडिलांनी त्यास नकार दिला.

तिच्या वडिलांकडून नकार मिळाल्यानंतर ती हट्टाला पेटली. तिने हार न मानता (१२ वर्षांची) आपल्या ध्येयावर कायम राहिली. अखेर सप्टेंबर (2017 मध्ये) रुपलने वडिलांचे मन वळवण्यासाठी उपोषणाला बसण्याचा निर्णय घेतला. तीन दिवसांनी वडिलांना तिच्या भुमिकेपुढं हात जाेडत जिद्दीस दाद द्यावी लागली आणि त्यानंतर तिचा खेळातील प्रवास सुरु झाला.

rupal chaudhary, World Athletics U20 Championships 2022, Hima Das, India
Tulika Maan : वडिलांच्या खूनानंतर सावरली तुलिका मान; बर्मिंगहॅमला तिरंगा फडकल्याचा आनंद, पण...
rupal chaudhary, World Athletics U20 Championships 2022, Hima Das, India
CWG : पॅरा पॉवरलिफ्टर सुधीरची सुवर्ण कामगिरी (व्हिडिओ पाहा)
rupal chaudhary, World Athletics U20 Championships 2022, Hima Das, India
M Sreeshankar : चर्चा चर्चा ! मुरली श्रीशंकरच्या जिद्दीची चर्चा; लांब उडीत पटकाविलं राैप्य (व्हिडिओ पाहा)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com