Serena Williams : टेनिस सुपरस्टार सेरेना विल्यम्सची निवृत्तीची घाेषणा; युएस ओपन जिंकण्यासाठी आतूर

Serena Williams : अमेरिकेची टेनिसपटू सेरेना विल्यम्स (Serena Williams Retires) हिने नुकतीच टेनिस खेळातून निवृत्तीची घोषणा केली. आजपर्यंत 23 वेळा ग्रँड स्लॅम विजेती राहिलेल्या सेरेनाच्या निवृत्तीच्या घाेषणेनंतर तिचे चाहते समाज माध्यमातून तिच्या कारकिर्दीची आठवण काढत छायाचित्रासह व्हिडिओ पाेस्ट करु लागले आहेत.

कुटुंबाकडे लक्ष देण्यासाठी सेरेनाने निवृत्तीची घाेषणा केल्याचे सांगितले जात आहे. सेरेनाने समाज माध्यमातून तिला निवृत्ती हा शब्द आवडत नसल्याचे नमूद केले आहे. यंदाच्या विम्बल्डन स्पर्धेसाठी तिची तयारी नव्हती असंही तिने म्हटलं आहे. युएस ओपन जिंकण्यासाठी मी निश्चित प्रयत्न करीन असा विश्वास सेरेनाने व्यक्त केला आहे.

सेरेनाने आपल्या एकूण कारकिर्दीत एकेरीत तेवीस वेळा ग्रँड स्लॅम विजेतेपद पटकाविलं आहे. ही कामिगरी सर्वाधिक मानली जात आहे. सेरेना महिला टेनिसच्या क्रमवारीत सलग ३१९ आठवडे अव्वल होती.

Edited By : Siddharth Latkar