MRF Mogrip Supercross Championship 2022 : गोवा येथे नुकत्याच झालेल्या एम.आर.एफ मोग्रीप सुपरक्रॉस राष्ट्रीय अजिंक्यपद स्पर्धेत साता-याच्या श्लोक विक्रम घोरपडे (sholk ghorpade) याने विजेतेपद पटकाविले. श्लोकने यापुर्वी अनेक स्पर्धेत उज्जवल कामगिरी केली आहे. आता बंगळूर येथे हाेणा-या स्पर्धेत ताे आपले काैशल्यपणास लावणार आहे.
ही स्पर्धा सोळा वर्षाखालील गटाची हाेती. सुपर क्रॉस स्पर्धेत श्लाेक याने (के एक्स 150cc ची) बाईक चालवून एक वेगळाच थरार निर्माण केला. प्रायव्हेट कॅटेगरीमध्ये तो तिसऱ्या क्रमांकावर झळकला तर इंडियन एक्सपर्ट्स आणि ओपन फॉरेन कॅटेगरीमध्ये त्याने चौथा क्रमांक मिळवला. (Maharashtra News)
आतापर्यंत या वर्षात श्लोकने नाशिक, पुणे , कोईंमतुर, बडोदा आणि गोवा येथे अतिशय सुरेख कामगिरी करत सोळा वर्षाखालील गटामध्ये पाचही राऊंडमध्ये विजेतेपद कायम ठेवले. या स्पर्धेचा शेवटचा सहावा राऊंड लवकरच बंगळूर येथे होणार आहे. श्लोक हा येथील (satara) के.एस.डी. शानभाग विद्यालयाचा (ksd shanbhag vidyalaya) विद्यार्थी आहे. ज्येष्ठ क्रीडा मार्गदर्शक रमेश शानभाग यांच्यासह आदींनी त्याचे अभिनंदन केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.