Shoaib akhtar on virat kohli:भारतीय संघातील दिग्गज फलंदाज विराट कोहली सध्या भारत विरुध्द ऑस्ट्रेलिया यांच्यात सुरु असलेली ४ कसोटी सामन्यांची मालिका खेळण्यात व्यस्त आहे. या मालिकेत त्याला हवी तशी कामगिरी करता आली नाहीये.
मालिकेतील तिन्ही सामन्यांमध्ये तो फ्लॉप ठरला आहे. त्यामुळे अनेक दिग्गजांनी त्यांच्यावर टीका केल्याचे पाहायला मिळाले आहे. दरम्यान पाकिस्तानचा माजी क्रिकेटपटू शोएब अख्तरने विराटचे तोंडभरून कौतुक केले आहे. (Latest sports updates)
सुनो न्यूजवर बोलताना शोएब अख्तरने म्हटले की, 'मी त्याचं कौतुक का करू नको, जेव्हा तो चांगली कामगिरी करण्यात अपयशी ठरत होता त्यावेळी मी माझ्या मित्राला म्हटले होते की, तो डोक्याचा वापर करून खेळेल तर यशस्वी होईल.असच झालं विराटने टी-२० क्रिकेटमध्ये जोरदार पुनरागमन केले.'
तसेच तो पुढे म्हणाला की, 'धावांचा पाठलाग करताना विराटने ४० शतके झळकावली आहेत. असं असतानाही तुम्ही म्हणता की, मी विराटाचे कौतुक करतो. माझं उत्तर हेच असतं की, मी का नको करू त्याचं कौतुक. एकवेळ अशी होती जेव्हा विराटच्या शतकी खेळीच्या जोरावर भारतीय संघ सामना जिंकायचा. टी -२० वर्ल्ड कप पासून त्याने धावा केल्या आहेत. मात्र कसोटी क्रिकेटमध्ये तो शतक झळकावू शकला नाहीये.'
बॉर्डर गावसकर ट्रॉफीत ठरलाय फ्लॉप...
विराट कोहली हा कसोटी क्रिकेटमध्ये धावा करताना संघर्ष करताना दिसतोय. ऑस्ट्रेलियाविरुध्द सुरु असलेल्या मालिकेत त्याला एकही शतक झळकावता आले नाहीये. शतक सोडा तो अर्धशतक देखील झळकावू शकला नाहीये.
विराटने शेवटचे शतक २०१९ मधे बांगलादेश संघाविरुध्द झळकावले होते. त्यानंतर तब्बल ३ वर्षे होऊन गेले आहेत, त्याला एकही शतक झळकावता आले नाहीये.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
