Asia Cup 2022 : श्रीलंकेचा 'राजा'पक्षा चमकला, पाकिस्तानसमोर १७१ धावांचं आव्हान

भानुका राजापक्षाने आक्रमक खेळी करत ४५ चेंडूत ७१ धावा कुटल्या.
Srilanka vs Pakistan asia cup 2022 final match
Srilanka vs Pakistan asia cup 2022 final matchsaam tv

दुबई : आशिया करंडक स्पर्धा २०२२ चा अंतिम सामना श्रीलंका आणि पाकिस्तान यांच्यात सुरु आहे. पाकिस्तान आणि श्रीलंकेनं भारताचा पराभव करत आशिया स्पर्धेत अंतिम सामन्यात पोहचण्यासाठी मैदानात कंबरी कसली. ग्रुप स्टेजमध्ये श्रीलंकेला विजयी सूर गवसला नाही. परंतु, त्यानंतर श्रीलंकेच्या संघान चमकदार कामगिरी करत सुपर ४ मध्ये शेवटच्या सामन्यापर्यंत मजल मारली आणि पाकिस्तान विरुद्ध अंतिम सामन्यात प्रवेश केला. आजच्या सामन्यात पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. त्यानंतर फलंदाजीसाठी मैदानात उतरलेल्या श्रीलंकेने २० षटकांत १७० धावा केल्या. विशेष म्हणजे श्रीलंकेचा स्टार खेळाडू भानुका राजापक्षाने आक्रमक खेळी करत ४५ चेंडूत नाबाद ७१ धावा कुटल्या.

प्रथम फलंदाजी करण्यासाठी मैदानात उतरलेल्या श्रीलंकेला पाकिस्तानचा गोलंदाज नसीम शाहने पहिला धक्का दिला. श्रीलंकेची फक्त दोनच धावसंख्या झाली असताना कुसल मेंडीसचा शाहने त्रिफळा उडवला. मेंडिस शुन्यावर बाद झाल्यामुळे श्रीलंकेची पॉवर प्ले मध्ये खराब सुरुवात झाली. त्यानंतर पाकिस्तानच्या हारिस रौऊफने चौथ्या षटकात पथूम निसंकाला अवघ्या ८ धावांवरच पव्हेलिनचा रस्ता दाखवला.

Srilanka vs Pakistan asia cup 2022 final match
'आमचं ध्येय विश्वचषकच', शतक ठोकल्यानंतर रोहित शर्माने विराट कोहलीची घेतलेली मजेशीर मुलाखत वाचा

तर सहाव्या षटकात दनुष्का गुणतिलकाला त्रिफळाचीत केला. गुणतिलकालाने एकच धाव केल्याने श्रीलंकेला धावांची गती मंदावली. श्रीलंकेचा अष्टपैलू खेळाडू वानिंदू हसरंगाने चौफेर फटकेबाजी करत पाकिस्तानच्या गोलंदाजांचा धुव्वा उडवला. २१ चेंडूत ३६ धावांची आक्रमक खेळी केल्यानंतर हारिस रौऊफने हसरंगाला बाद केलं.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com