आशिया चषक २०२३ स्पर्धेत सुपर ४ चा दुसरा सामना श्रीलंका विरुद्ध बांगलादेश या दोन्ही संघांमध्ये पार पडला. या अटीतटीच्या लढतीत श्रीलंकाने बाजी मारली आहे. या सामन्यात श्रीलंकेने २१ धावांनी विजय मिळवला आहे.
यासह २ गुणांची कमाई केली आहे. तर बांगलादेशला सलग दुसऱ्या सामन्यात पराभवाची चव चाखावी लागली आहे. श्रीलंकेकडून ९३ धावांची खेळी करणारा सदिरा समरविक्रमा हा विजयाचा हिरो ठरला आहे.
या सामन्याबद्दल बोलायचं झालं तर, बांगलादेशने या सामन्यात नाणेफेक जिंकून प्रथम गोलंदाजी करण्याचा निर्णय घेतला होता. श्रीलंकेकडून प्रथम फलंदाजी करताना सदिरा समरविक्रमा ७२ चेंडूंचा सामना करत सर्वाधिक ९३ धावांची खेळी केली.
तर कुसल मेंडिसने ५० धावांचे योगदान दिले. डावाची सुरुवात करणाऱ्या पथुम निसंकाने चांगली सुरुवात करून देत ४० धावांची खेळी केली. या खेळीच्या बळावर श्रीलंकेने ५० षटक अखेर ९ गडी बाद २६७ धावा केल्या होत्या. (Latest sports updates)
बांगलादेशचा २१ धावांनी पराभव..
बांगलादेश संघाला हा सामना जिंकण्यासाठी ५० षटकात २५८ धावा करायच्या होत्या. या धावांचा पाठलाग करताना सलामीवीर फलंदाज मोहम्मद नईमने २१ तर मेहदी हसनने २८ धावांची खेळी केली होती.
बांगलादेशकडून तोहिद हृदोयने ९७ चेंडूंचा सामना करत ८२ धावांची तुफानी खेळ केली. मात्र त्याची ही खेळी व्यर्थ गेली. बांगलादेशचा संघ विजयापासून २१ धावा दूर राहिला.
श्रीलंकेकडून गोलंदाजी करताना महिश थिक्षनाने ३, दासुन शनाकाने ३ आणि मथिशा पथीरानाने ३ गडी बाद केले. तर दूनिथला १ गडी बाद करता आला. हा श्रीलंकेचा सलग १३ वा विजय आहे. यापूर्वी श्रीलंकेने सलग १३ सामने जिंकण्याचा रेकॉर्ड केला होता.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
