Surya Kumar Yadav: सूर्यकुमार जगात भारी! पटकावला सर्वोत्तम टी-२० क्रिकेटपटूचा पुरस्कार

Surya Kumar Yadav: आयसीसीने 2022 चा सर्वोत्कृष्ट पुरुष टी-20 क्रिकेटर म्हणून सूर्यकुमारची निवड केली आहे. यानंतर बीसीसीआयने ट्वीट करून सूर्यकुमारचे अभिनंदन केले आहे.
surya kumar yadav becomes icc mens t20i player of the year 2022
surya kumar yadav becomes icc mens t20i player of the year 2022SAAM TV

Surya Kumar Yadav: भारताचा स्टार क्रिकेटर सूर्यकुमार यादवच्या शिरपेचात आणखी एक मानाचा तुरा रोहवला गेला आहे. आयसीसीने (ICC) 2022 चा सर्वोत्कृष्ट पुरुष टी-20 क्रिकेटर (ICC RANKING) म्हणून सूर्यकुमारची निवड केली आहे. यानंतर बीसीसीआयने (BCCI) ट्वीट करून सूर्यकुमारचे अभिनंदन केले आहे. दरम्यान ऑस्ट्रेलियाच्या ताहिला मॅकग्राला 2022 च्या सर्वोत्कृष्ट महिला क्रिकेटरचा पुरस्कार मिळाला आहे.

surya kumar yadav becomes icc mens t20i player of the year 2022
IND vs NZ T20 : पहिल्या टी-20 सामन्याआधी टीम इंडियाला मोठा धक्का; सलामीवीर फलंदाजच मालिकेबाहेर!

सूर्यकुमारने 2022 मध्ये 31 टी-20 सामन्यांमध्ये 46.56 च्या सरासरीने आणि 187.43 च्या स्ट्राइक रेटने 1164 धावा केल्या. एका वर्षात टी-20 मध्ये एक हजाराहून अधिक धावा करणारा तो दुसरा फलंदाज आहे. यावर्षी त्याच्या बॅटमधून 68 षटकार निघाले. त्यामुळे सूर्यकुमार एका वर्षात टी20 मध्ये सर्वाधिक षटकार मारणारा फलंदाज बनला आहे. दरम्यान गेल्या वर्षी त्याने दोन शतके आणि नऊ अर्धशतके झळकावली होती.

गेल्या वर्षी ऑस्ट्रेलियात झालेल्या टी-20 विश्वचषकात सूर्यकुमार उत्कृष्ट फॉर्ममध्ये होता. या स्पर्धेदरम्यान त्याने सहा डावांत 60 च्या सरासरीसह तीन अर्धशतके झळकावली होती. एवढंच नाही तर या काळात त्याचा स्ट्राइक रेट 189.68 होता. गेल्यावर्षी इंग्लंडविरुद्ध त्यांच्याच भूमीवर टी-२०मध्ये सूर्यकुमारने पहिले शतक झळकावले होते. त्याने 55 चेंडूत 117 धावांची खेळी केली होती.

surya kumar yadav becomes icc mens t20i player of the year 2022
Mohmmed Siraj: ICC ODI रॅंकिंगमध्ये सिराज 'राज'; दिग्गजांना धोबीपछाड देत पहिल्या स्थानावर विराजमान

टी-20 विश्वचषकादरम्यानच सूर्यकुमार आयसीसी टी20 पुरुष फलंदाजांच्या क्रमवारीत पहिल्या क्रमांकावर पोहोचला होता. या टी-20 विश्वचषकानंतर लगेचच न्यूझीलंड दौऱ्यावर असताना सूर्याने या फॉरमॅटमध्ये आपले दुसरे आंतरराष्ट्रीय शतक झळकावले होते. त्याच्या कामगिरीमुळे आयसीसीने त्याला 'आयसीसी टी-२० पुरुष क्रिकेटर ऑफ द इयर' पुरस्काराने सन्मानित केले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com