भारतीय संघाने नुकताच आशिया चषक जिंकला आहे. मात्र या विजयानंतरही भारतीय संघ रँकिंगमध्ये पहिल्या स्थानी येऊ शकलेला नाही.
आगामी वनडे वर्ल्डकप स्पर्धेच्या पार्श्वभूमीवर भारतीय संघ ऑस्ट्रेलियाविरुद्ध ३ वनडे सामन्यांची मालिका खेळण्यासाठी मैदानात उतरणार आहे.
या मालिकेदरम्यान भारतीय संघाकडे ऑस्ट्रेलिया आणि पाकिस्तानला पछाडत नंबर १ वर येण्याची संधी असणार आहे. दरम्यान जाणून घ्या कसं असेल नंबर १ बनण्यासाठीचं समीकरण.
भारत विरुद्ध ऑस्ट्रेलिया या दोन्ही संघांमध्ये २२ सप्टेंबरपासून ३ वनडे सामन्यांची मालिका रंगणार आहे. भारतीय संघाला या मालिकेत विजय मिळवण्यासाठी २-१ ने विजय मिळवावा लागणार आहे.
सध्या नंबर १ साठी पाकिस्तान,भारत ऑस्ट्रेलिया या तिन्ही संघांमध्ये चुरशीची लढत सुरू आहे. नुकताच ऑस्ट्रेलियाविरुद्ध भारत या दोन्ही संघांमध्ये चुरशीची लढत पाहायला मिळाली. ५ सामन्यांच्या मालिकेतील सुरुवातीचे २ सामने जिंकत ऑस्ट्रेलियाने पहिलं स्थान मिळवलं होतं. मात्र पुढील ३ सामन्यांमध्ये झालेल्या पराभवामुळे ऑस्ट्रेलियाला नंबर १ स्थान गमवावं लागंल आहे.
भारतीय संघ सध्या वनडे रँकिंगमध्ये दुसऱ्या स्थानी आहे.
भारतीय संघाचे रेटिंग पॉइंट्स ११४ आहेत. भारतीय संघाने जर ऑस्ट्रेलियाविरुद्धचे तिन्ही सामने जिंकले, भारतीय संघ नंबर १ बनेल. तसेच ही मालिका २-१ ने जिंकली तरी देखील भारतीय संघाकडे नंबर १ बनण्याची संधी असणार आहे. (Latest sports updates)
ऑस्ट्रेलियाविरूद्धच्या पहिल्या २ वनडेसाठी असा आहे भारतीय संघ:
केएल राहुल (कर्णधार, यष्टीरक्षक), शुबमन गिल, ऋतुराज गायकवाड, श्रेयस अय्यर, ईशान किशन,सूर्यकुमार यादव, रवींद्र जडेजा, शार्दुल ठाकुर, तिलक वर्मा, प्रसिद्ध कृष्णा , जसप्रीत बुमराह, मोहम्मद सिराज, मोहम्मद शमी, रविचंद्रन अश्विन, वाशिंगटन सुंदर
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
