Rahul Dravid: नुकताच दिल्लीच्या अरुण जेटली स्टेडियमवर भारत विरुद्ध ऑस्ट्रेलिया यांच्यातील दुसरा कसोटी सामना पार पडला. या सामन्यात भारतीय संघाने जोरदार कामगिरी करत ६ गडी राखून विजय मिळवला आहे.
यासह ४ सामन्यांच्या मालिकेत २-० ची आघाडी घेतली आहे. दरम्यान या सामन्यात केएल राहुल पुन्हा एकदा फ्लॉप ठरला आहे. हा सामना झाल्यानंतर मुख्य प्रशिक्षक राहुल द्रविड यांनी केएल राहुलबाबत मोठे वक्तव्य केले आहे.(Latest Sports Updates)
भारतीय संघातील सलामीवीर फलंदाज केएल राहुल (KL Rahul) सध्या आपल्या कारकिर्दीतील सर्वात खराब फॉर्ममध्ये आहे. अनेकदा संधी मिळूनही त्याला संधीचं सोनं करता येत नाहीये. दुसऱ्या कसोटी सामन्यातील पहिल्या डावात तो १७ तर दुसऱ्या डावात केवळ १ धाव करत माघारी परतला.
केएल राहुलची ही फ्लॉप कामगिरी पाहता, संतप्त चाहते त्याला संघाबाहेर करण्याची मागणी करत आहेत. मात्र राहुल द्रविड यांनी त्याला संघात कायम ठेवण्याबाबत भाष्य केले आहे.
राहुल द्रविड यांनी म्हटले की, "आम्ही त्याला पाठिंबा देत राहू. प्रत्येक खेळाडूच्या आयुष्यात अशी स्थिती येत असते. त्याने दक्षिण आफ्रिका आणि इंग्लंडमध्ये जाऊन देखील शतके झळकावली आहेत."
यापूर्वी फलंदाजी प्रशिक्षक विक्रम राठोड यांनी देखील केएल राहुलबाबत भाष्य केले होते. त्यांनी म्हटले होते की, "केएल राहुलने गेल्या १० डावांमध्ये काही शतके आणि अर्धशतके झळकावली आहेत. त्याने इंग्लंड आणि दक्षिण आफ्रिकेत देखील शतक झळकावले आहे. त्याला खेळवायचं की नाही याचा विचार करायची आम्हाला गरज भासत नाही."
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.