MI vs SRH, IPL 2023: आयपीएल २०२३ स्पर्धेतील ६९ वा सामना आज मुंबई इंडियन्स आणि सनरायझर्स हैदराबाद या दोन्ही संघांमध्ये रंगणार आहे. हा सामना दोन्ही संघांचा शेवटचा सामना असणार आहे. हा सामना मुंबईच्या वानखेडे स्टेडियमवर रंगणार आहे.
हा सामना मुंबई इंडियन्स संघासाठी अतिशय महत्वाचा असणार आहे. हैदराबादचा संघ प्लेऑफच्या शर्यतीतुन बाहेर झाला आहे. तर मुंबई इंडियन्सचा संघ अजुनही प्लेऑफच्या शर्यतीत कायम आहे.
मात्र मुंबईला प्लेऑफमध्ये जाण्यासाठी हा सामना मोठ्या फरकाने जिंकणं गरजेचं आहे. या सामन्यात कशी असेल दोन्ही संघांची प्लेइंग ११, जाणुन घ्या.
रोहित शर्माच्या नेतृत्वाखाली खेळणाऱ्या मुंबई इंडियन्स संघाला गेल्या सामन्यात लखनऊ सुपर जायंट्स संघाकडुन पराभवाचा सामना करावा लागला होता. या सामन्यात लखनऊ सुपर जायंट्स संघाने प्रथम फलंदाजी करताना १७७ धावा केल्या होत्या.
या धावांचा पाठलाग करताना मुंबई इंडियन्स संघाला १७२ धावा करता आल्या होत्या. आज होणाऱ्या समान्यात मुंबईच्या संघात बदल होण्याची शक्यता कमी आहे. मात्र मुंबईचा धाकड फलंदाज तिलक वर्मा जर फिट असेल तर तो आजच्या सामन्यात कमबॅक करू शकतो.
गेले ४ सामने तो संघाबाहेर आहे. तसेच ह्रितिक शौकीनच्या जागी कुमार कार्तिकेयला संधी दिली जाऊ शकते.
तर सनरायझर्स हैदराबाद संघात देखील एक मोठा बदल पाहायला मिळू शकतो. कार्तिक त्यागीच्या जागी वेगवान गोलंदाज उमरान मलिकला संधी दिली जाऊ शकते. गेल्या हंगामात जोरदार कामगिरी करणाऱ्या उमरान मलिकला या हंगामात हवी तशी कामगिरी करता आली नाहीये.
त्याला या हंगामातील ७ सामन्यांमध्ये केवळ ५ गडी बाद करता आले आहेत. निराशाजनक कामगिरीमुळे त्याला संघाबाहेर केलं गेलं होतं. गेल्या सामन्यात सनरायझर्स हैदराबाद संघाला पंजाब किंग्ज संघाकडून पराभवाचा सामना करावा लागला आहे. (Latest sports updates)
या सामन्यात अशी असू शकते दोन्ही संघांची प्लेइंग ११:
मुंबई इंडियन्स:
रोहित शर्मा (कर्णधार), इशान किशन (विकेटकीपर), सूर्यकुमार यादव, कॅमेरॉन ग्रीन, तिलक वर्मा/विष्णू विनोद, टिम डेव्हिड, नेहल वढेरा, जेसन बेहरेनडॉर्फ, पीयूष चावला, आकाश मधवाल आणि ख्रिस जॉर्डन.
सनरायझर्स हैदराबाद:
अभिषेक शर्मा, राहुल त्रिपाठी, एडन मार्कराम (कर्णधार), हेनरिक क्लासेन (विकेटकीपर), हॅरी ब्रूक, ग्लेन फिलिप्स/मयांक अग्रवाल, अब्दुल समद, भुवनेश्वर कुमार, मार्को जानसेन/मयांक डागर, टी नटराजन आणि नितीश रेड्डी/ उमरान मलिक
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
