Virat Kohli News: वनडेत कोहलीचा 'विराट' रेकॉर्ड; जगात कुठल्याही फलंदाजाला जमलं नाही,सचिन तेंडुलकरलाही टाकले मागे

Virat Kohli New Records:

कोलंबोच्या प्रेमदासा मैदानात भारतीय फलंदाजांनी धावांचा पाऊस पाडला. या सामन्यात भारताचा स्टार खेळाडू विराट कोहलीने सोमवारी पाकिस्तानी गोलंदाजांच्या चिंधड्या उडवल्या. विराट कोहली पाकिस्तान विरोधात तुफान फॉर्मात दिसला. विराटने पाकिस्तान विरोधात ७७ वे आंतरराष्ट्रीय शतक ठोकलं. तसेच विराटने वनडेतील सर्वात जलद १३००० धावा ठोकल्या. यावेळी विराटने सचिन तेंडुलकरचाही रेकॉर्ड मोडला. (Latest Marathi News)

आशिया कपच्या सुपर-४ स्टेजमध्ये भारतीय फलंदाजांनी पाकिस्तानी गोलंदाजांना धू-धू धुतलं. कोहलीने ९४ चेंडूत ९ चौकार आणि ३ षटकारांच्या मदतीने १२२ धावा कुटल्या. या सामन्यात विराटने वनडेतील सर्वात जलद १३ हजार धावा कुटल्या. (Cricket News)

विराट कोहलीने २६७ डावांमध्ये १३००० धावा कुटल्या. तर सचिनने वनडेत ३२१ डावांमध्ये १३ धावा पूर्ण केल्या होत्या. कोहलीने वनडेमधील ४७ वे शतक ठोकलं. विराट कोहली हा वनडेत १३ हजार धावा करणारा जगातला पाचवा आणि भारताचा दुसरा खेळाडू ठरला आहे.

ऑस्ट्रेलिया माजी क्रिकेटपटू रिकी पॉटिंगने ३४१ डावात १३ हजार धावा ठोकल्या होत्या. तर श्रीलंकेच्या कुमार संगकाराने ३६३ डावांमध्ये १३ हजार धावा पूर्ण केल्या होत्या. तर श्रीलंकेच्या सनथ जयसूर्याने ४१६ धावांमध्ये १३ धावा पूर्ण केल्या होत्या.

तत्पूर्वी, विराट कोहलीने आतापर्यंत सर्वात जलद ९,१०,११ आणि १२ हजार धावा करणारा खेळाडू धरला आहे. विराट कोहली लवकरच सचिन तेंडुलकरचा विक्रम मोडण्याच्या मार्गावर आहे. विराट सचिनचा

सर्वाधिक शतक ठोकण्याच्या विक्रमापासून दोन शतक दूर आहे. विराट कोहलीने आतापर्यंत वनडेमध्ये ४७ शतक ठोकले आहेत. तर सचिनचे वनडेमध्ये ४९ शतकांचा विक्रम आहे.

भारत विरुद्ध पाकिस्तान सामन्यात विराट आणि केएल राहुलने २३३ धावांची भागीदारी रचली. दोघांनी टीम इंडियासाठी धावांचा डोंगर उभा केला.