IPL 2022 चा 67 वा सामना आज रॉयल चॅलेंजर्स बंगलोर आणि गुजरात टायटन्स यांच्यात होणार आहे. या सामन्यापूर्वी आरसीबीचा माजी कर्णधार विराट कोहलीने गुजरात टायटन्सचा फिरकीपटू राशिद खानला बॅट भेट दिली आहे. स्वतः राशीदने त्याच्या इंस्टाग्राम अकाउंटवरून ही माहिती दिली आहे. आजचा सामना आरसीबीसाठी खूप खास असणार आहे.
सामन्याच्या एक दिवस आधी दोन्ही संघ सरावाच्या वेळी भेटले तेव्हा विराट कोहलीने राशिद खानला ही भेट दिली. या खास क्षणाचा व्हिडिओ आपल्या इंस्टाग्राम अकाउंटवर पोस्ट करत राशिद खानने कोहलीचे आभार मानले आहेत. व्हिडिओ पोस्ट करत राशिद खानने लिहिले की, "विराट कोहलीला भेटून नेहमीच आनंद होतो, गिफ्टबद्दल धन्यवाद."
गुजरात टायटन्सनेही त्यांच्या अधिकृत ट्विटर अकाऊंटवर हा व्हिडिओ शेअर केला आहे. या व्हिडिओसह त्यांनी लिहिले, "एका फ्रेममध्ये 450 हून अधिक टी-20 विकेट आणि 10 हजारांहून अधिक धावा"
स्पर्धेबद्दल बोलायचे झाल्यास, गुजरात टायटन्स प्लेऑफमध्ये पोहोचला आहे, त्यामुळे त्यांच्यासाठी हा सामना सराव सामन्यासारखा असणार आहे, तर आरसीबीसाठी तो करा किंवा मरोच्या सामन्यासारखा असणार आहे. आज बंगळुरूचा पराभव झाला तर त्यांची प्लेऑफमध्ये पोहोचण्याची शक्यता नगण्य आहे.
वानखेडे स्टेडियमवर या वर्षी दोन्ही संघांचे 3-3 सामने झाले असून या मैदानावर कोणत्याही संघाला या दोघांवर मात करता आलेली नाही. अशा स्थितीत आज कोण कोणाला धूळ चारते हे पाहण्यासारखे आहे. या मैदानावरील शेवटचा सामना सनरायझर्स हैदराबाद आणि मुंबई इंडियन्स यांच्यात खेळला गेला होता आणि तो हाय स्कोअरिंग सामना झाला होता.
Edited By: Praviin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.