UPW vs GG: वडील शेतकरी तर आई गृहिणी.. गुजरातच्या गोलंदाजांना धु धु धुणारी किरण नवगिरे आहे तरी कोण?

UPW VS GG Kiran navgire: रविवारी विमेन्स प्रीमियर लीग २०२३ स्पर्धेतील तिसरा सामना पार पडला. या सामन्यात युपी वॉरियर्स आणि गुजरात जायंट्स हे दोन्ही संघ आमने सामने होते. या सामन्यात गुजरात संघाने प्रथम फलंदाजी करताना ६ गडी बाद १६९ धावा केल्या होत्या.

या धावांचा पाठलाग करताना युपी संघाला चांगली सुरुवात मिळाली नाही. अवघ्या २० धावसंख्येवर या संघाचे ३ फलंदाज माघारी परतली होती. त्यांनतर फलंदाजी करण्यासाठी आलेल्या किरण नवगिरेने अप्रतिम फलंदाजी करत सर्वांची मने जिंकली आहेत. (Latest sports updates)

या सामन्यात युपी संघाचे फलंदाज फलंदाजी करताना संघर्ष करताना दिसून येत होते. तर दुसरीकडे किरण नवगिरे हिनं गुजरातच्या गोलंदाजांचा चांगलाच घाम काढला. संघ अडचणीत असताना तिने आपल्या संघासाठी बहुमूल्य खेळी केल्याने तिचे सर्वत्र कौतुक केले जात आहे.

तिने १२३.३ च्या स्ट्राईक रेटने फलंदाजी करताना २३ चेंडूंमध्ये ४३ धावांची खेळी केली. यादरम्यान तिने ५ चौकार आणि २ गगनचुंबी षटकार मारले. तिची खेळी पाहता असे वाटत होते की ती युपी संघासाठी मोठी खेळी करणार. मात्र किमी गार्थने तिच्या खेळीला पूर्णविराम दिला.

कोण आहे किरण नवगिरे?

युपी संघाची स्टार फलंदाज २७ वर्षीय किरण नवगिरेचा जन्म महाराष्ट्रातील सोलापूरमध्ये झाला होता. तिने आपल्या करकिर्दीत एकूण ६ टी -२० आंतरराष्ट्रीय सामने खेळले आहेत. तसेच तिच्या कुटुंबाबद्दल बोलायचं झालं तर, तिचे वडील शेतकरी आहेत. तर आई गृहिणी आहे.

यापूर्वी झालेल्या महिला टी -२० लीग स्पर्धेत तिने वेलोसिटी संघाचे प्रतिनिधित्त्व केले आहे. तिच्या नावे एका खास विक्रमाची देखील नोंद आहे.

तिने २०२२ मध्ये झालेल्या विमेन्स सिनियर टी-२० ट्रॉफी स्पर्धेत नागालँड संघाकडून खेळताना अरुणाचल प्रदेश सांघाविरुध्द खेळताना तिने १६२ धावांची विक्रमी खेळी केली होती. ही या स्पर्धेच्या इतिहासातील सर्वात मोठी खेळी ठरली होती.