LSG VS MI, IPL 2023: मुंबई इंडियन्स संघाने या हंगामात दमदार पुनरागमन केलं आहे. असं असलं तरीदेखील गोष्टी मुंबई इंडियन्स संघाच्या बाजूने जाताना दिसून येत नाहीये. मुंबईला या हंगामात मोठे धक्के बसले आहेत. बुमराह, रिचर्डसन नंतर जोफ्रा आर्चर स्पर्धेतून बाहेर झाला.
रोहित शर्माचा फॉर्म आणि २०० धावा खर्च करत असलेल्या गोलंदाजांनी देखील मुंबई इंडियन्सच्या चिंतेत भर घातली आहे. प्लेऑफच्या दिशेने वाटचाल करत असलेल्या मुंबई इंडियन्स संघासाठी आज लखनऊ सुपर जायंट्स संघाविरुद्धचा सामना अतिशय महत्वाचा असणार आहे.
दरम्यान रोहित शर्मा अर्जुन तेंडुलकरला (Arjun Tendulkar) का संधी देत नाहीये? काय आहे कारण? जाणून घ्या.
अर्जुनला संधी मिळत नसल्याने क्रिकेट चाहत्यांनी प्रश्न उपस्थित करायला सुरुवात केली आहे. आयपीएल २०२३ स्पर्धेतील २२ व्या सामन्यात त्याला पदार्पण करण्याची संधी मिळाली होती. या सामन्यात त्याने चांगली गोलंदाजी केली होती. ४ सामन्यांमध्ये त्याने डावाची सुरुवात करून दिली होती.
यादरम्यान त्याने ३ विकेट्स देखील घेतल्या होत्या. मात्र पंजाब विरुध्द झालेल्या सामन्यात सॅम करन हरप्रित भाटियाने त्याला ३१ धावा ठोकल्या. त्यानंतर त्याच्यावर टीका व्हायला सुरुवात झाली.
अर्जुन बाहेर होण्याचं कारण काय?
शेवटच्या सामन्यात जेव्हा गुजरात टायटन्स आणि मुंबई इंडियन्स संघ आमने सामने आले होते. त्यावेळी रोहित शर्माने त्याला गोलंदाजी करण्याची संधी दिली होती. या सामन्यात त्याने अप्रतिम गोलंदाजी केली होती. २ षटकात ९ धावा खर्च करत त्याने १ विकेट घेतली होती. मात्र एकाच षटकात ३१ धावा खर्च केल्यानंतर अर्जुनला संघात संधी मिळाली नाही. तो सलग ४ सामने संघाबाहेर राहिला आहे. अर्जुनला संधी न मिळण्याचं प्रमुख कारण म्हणजे अर्शद खान आणि माधवालसारखे गोलंदाज चांगली कामगिरी करून विकेट्स काढून देत आहेत. (Latest sports updates)
अर्शद आणि माधवालपेक्षा अर्जुनची इकोनॉमी चांगली...
जर आकडेवारी पाहिली तर अर्जुनची इकोनॉमी ही अर्शद आणि माधवालपेक्षा चांगली आहे. गेल्या ३ सामन्यांमध्ये अर्शदने १३ च्या इकोनॉमीने धावा खर्च केल्या आहेत. तर आकाशने १० च्या इकोनॉमीने धावा खर्च केल्या आहेत.
तर अर्जुनच्या इकोनॉमीबद्दल बोलायचं झालं तर, अर्जुनने ९ च्या इकोनॉमीने धावा खर्च केल्या आहेत. आज लखनऊ विरुध्द होणाऱ्या सामन्यात त्याला संधी मिळणार का, हे पाहणं महत्वाचं ठरणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
