WPL 2023 : वुमन्स प्रीमियर लीग (WPL) सुरू झाली असून पहिल्या सामन्यात मुंबई इंडियन्सने गुजरात जायंट्सचा पराभव करत स्पर्धेची शानदार सुरुवात केली. पण हंगामाच्या सुरुवातीलाच एक वाद समोर आला आहे. याबाबत गुजरात जायंट्सने एक निवेदन जारी केले आहे.
वेस्ट इंडिजची खेळाडू डिआंड्रा डॉटिन महिला प्रीमियर लीगचा भाग बनू शकली नाही. तिला गुजरात जायंट्सने ६० लाख रुपयांना विकत घेतले होते, पण स्पर्धा सुरू होण्यापूर्वीच संघाने तिच्या जागी दुसऱ्या खेळाडूला स्थान दिले. डायंड्रा डॉटिन फिट नसल्याने ती स्पर्धेत खेळू शकत नाही, असं गुजरात जायंट्सने सांगितलं. (Latest sports updates)
मात्र, डिआंड्राने संघाच्या दाव्यावर प्रश्न उपस्थित करत ती पूर्णपणे फिट असल्याचे सांगितले डायंड्रा डॉटिनने ट्विट करत म्हटलं की, मला आलेल्या मेसेजबद्दल मी तुमची आभारी आहे, पण सत्य काही वेगळेच आहे. (Cricket News)
गुजरात जायंट्सने एक निवेदन जारी केले आहे आणि त्यांनी म्हटले आहे की डिआंड्रा डॉटिन एक महान खेळाडू आहे आणि संघासाठी खूप महत्वाची आहे. परंतु आम्हाला निर्धारित वेळेपूर्वी वैद्यकीय मंजुरी मिळाली नाही, जी WPLमध्ये सहभागी होणाऱ्या सर्व खेळाडूंसाठी आवश्यक आहे. आम्हाला आशा आहे की ती येत्या हंगामात आमच्यासोबत असेल.
गुजरात जायंट्ससाठी मोसमाची सुरुवात चांगली झाली नाही. मुंबई इंडियन्सने गुजरातचा 143 धावांनी पराभव केला, या सामन्यात मुंबईने 207 धावा केल्या. प्रत्युत्तरात गुजरात जायंट्सचा डाव अवघ्या 64 धावांत आटोपला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
