मावळ : दांरूब्रे (maval) गावातील काळभैरवनाथ आणि वाघजाई मातेच्या उत्सवानिमित्त कुस्तीचा आखाडा (wrestling competition) भरला होता. या स्पर्धेतील विजेत्या मल्लास (wrestler) बक्षिस म्हणून चक्क म्हैस आणि बकरे देण्यात आले. पैश्यांऐवजी शेतकऱ्यांच्या (farmers) उपयोगी पडणारे प्राणी देण्याचा आयोजकांच्या या संकल्पनेचे अनेकांनी काैतुक केले. या स्पर्धेत म्हैस आणि पाच बकऱ्यांना जिंकण्यासाठी जवळपास पाचशे मल्ल आखाड्यात उतरले होते. (maval latest marathi news)
पुणे (pune) जिल्ह्याच्या कानाकोपऱ्यातून मल्ल मावळात दाखल झाले होते. नागेश राक्षे आणि सुहास कदम या दोन मल्लांमध्ये अंतिम कुस्ती झाली. सुहासला चितपट करत नागेशने दुभती म्हैस पटकावली. तर राजवर्धन घारे, देवा निंबळे, विपुल आडकर, ओंकार दगडे आणि राजू गायकवाड यांना बक्षीसरूपात बकरे मिळाले.
या आगळ्या-वेगळ्या बक्षिसांमुळं हा आखाडा मावळातील पंचक्रोशीत चर्चेचा विषय बनला. तरुण शेतकरी राजेश वाघोले यांच्या संकल्पनेतून बक्षिसे देण्यात आली. पैसे दिले तर ते खर्च होतात मात्र पैलवान शेतकऱ्यांना मिळालेल्या या जनावरे रुपी बक्षिसांचा नक्कीच फायदा होईल अशी भावना राजेश वाघोले यांनी व्यक्त केली.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.