Ind vs Aus WTC Final Day 1 Live Score: पहिला दिवस ऑस्ट्रेलियाचाच! ट्रेविस अन् स्मिथने टीम इंडियाचं हेडेक वाढवलं; पाहा LIVE Score

IND Vs AUS World Test Championship Final 2023: भारत आणि ऑस्ट्रेलिया या दोन्ही संघांमध्ये वर्ल्ड टेस्ट चॅम्पियनशिप स्पर्धेचा अंतिम सामना सुरु आहे. हा सामना लंडनमधील ओव्हलच्या मैदानावर सुरु आहे.

भारतीय संघाने सलग दुसऱ्यांदा वर्ल्ड टेस्ट चॅम्पियनशिप स्पर्धेची अंतिम फेरी गाठली आहे. तर ऑस्ट्रेलियाने पहिल्यांदाच या स्पर्धेच्या अंतिम फेरीत प्रवेश केला आहे. मात्र दोन्ही संघ हे आंतरराष्ट्रीय क्रिकेटमधील मजबूत संघांपैकी आहे.

या महत्वाच्या सामन्यात भारतीय संघाचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला आहे.

पहिल्या दिवशी ३ विकेट लवकर पडल्यानंतर ट्रेविस हेड आणि स्टीव्ह स्मिथने ऑस्ट्रेलियाला जोरदार कमबॅक करून दिलं आहे. स्टीव्ह स्मिथ ९५ धावांवर नाबाद आहे. तर ट्रेविस हेड १४६ धावांवर नाबाद आहे. पहिल्या दिवसअखेर ऑस्ट्रेलियाने ३ गडी बाद ३२७ धावा केल्या आहेत.

दुसऱ्या सत्रात ऑस्ट्रेलियाच्या फलंदाजांचा बोलबाला पाहायला मिळाला आहे. दुसऱ्या सत्राच्या समाप्तीनंतर ऑस्ट्रेलियाने ३ गडी बाद १७० धावा केल्या आहेत.

ट्रेविस हेडने ६१ चेंडूंचा सामना करत  अर्धशतक झळकावले आहे.

मोहम्मद शमीने लाबुशेनला २६ धावांवर बाद करत माघारी धाडले आहे.