ड्रग्स प्रकरणातल्या SAR चा झाला उलगडा? वाचा ते 3 दिग्गज हिरो कोण आहेत?

ड्रग्स प्रकरणातल्या SAR चा झाला उलगडा? वाचा ते 3 दिग्गज हिरो कोण आहेत?


दीपिका, सारा आणि श्रद्धानंतर आता बॉलिवुड मधील तीन मोठे स्टार्स आता NCB च्या रडारवर आलेत. अभिनेत्रींच्या चौकशीदरम्यान बॉलिवूडमधल्या काही बड्या अभिनेत्यांची आद्याक्षरं समोर आली होती. देशातलं अग्रगण्य वृत्तपत्र असलेल्या दैनिक भास्करने या प्रकरणी एक खळबळजनक वृत्त प्रसिद्ध केलंय. 

NCB च्या चौकशीतून आलेली S, A आणि R ही आद्याक्षरं म्हणजे दुसरे तिसरे कुणीही नसून शाहरूख खान, अर्जून रामपाल आणि रणबीर कपूर असल्याचा दावा दैनिक भास्करने आपल्या विशेष वृत्तामध्ये केलाय. याशिवाय डिनो मोरियाचं नावही चौकशीतून समोर आल्याचा उल्लेखही या वृत्तात करण्यात आलाय. या चौकशीप्रक्रियेत सहभागी असलेल्या एका बड्या NCB अधिकाऱ्यानेच ही माहिती आपल्याला दिल्याचं दैनिक भास्करने आपल्या वृत्तात म्हटलंय. या अधिकाऱ्यासोबतचा संवादही आपल्याकडे असल्याचा दावा या वृत्तपत्राने केलाय.

यापैकी अर्जून रामपाल हाच शाहरूखला ड्रग्ज पुरवायचा, असंही NCB च्या चौकशीतून समोर आल्याचं वृत्तात नमूद करण्यात आलंय. या धक्कादायक खुलाशानंतर एनसीबीचे डीजी राकेश अस्थाना स्वत: मुंबईत दाखल झाले होते. तपासाची पुढची दिशा कशी असावी? याबाबतच्या सूचना त्यांनी आपल्या टीमला दिल्यात. त्यामुळे लवकरच बॉलिवुडचा खरा चेहरा समोर येण्याची शक्यता आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com