VIDEO | 80 वर्षांचा नवरदेव आणि 68 वर्षांची नवरी

VIDEO | 80 वर्षांचा नवरदेव आणि 68 वर्षांची नवरी


ही लगीनघाई उडालीय सिन्नरच्या हिवरे गावात... इथं-तिथं लग्न होत असतातच, त्यात काय विशेष? असं तुम्ही म्हणाल... पण आम्ही तुम्हाला एका अशा विलक्षण लग्नात घेऊन चाललोय, जिथं दोन जीवांची लगीनगाठ बांधलीय आयुष्याच्या संध्याकाळी... कारण इथला नवरदेव आहे 80 वर्षांचा आणि नवरी आहे 68 वर्षांची... निवृत्ती आणि सुमनबाई यांच्या विवाह सोहळ्यात ही धांदल उडालीय. त्याचं झालंय असं, की पोस्टातून रिटायर झालेल्या निवृत्ती यांचा एकुलता एक मुलगा दहा वर्षांपासून बेपत्ताय... त्यामुळे ते घरी एकटेच असतात आणि दोन्ही मुलींची लग्न झाल्याने सुमनबाईंजवळही कुणीच राहात नाही. दोघेही आपापल्या घरी एकटेच राहात होते... चहूबाजूंनी वेढलेल्या एकाकी बेटासारखे... मात्र हे एकाकीपण झिडकारण्यासाठी सुमनबाईंच्या पुतण्याच्या पुढाकाराने ही लगीनगाठ बांधली गेलीय.

विवाहसोहळ्याला वधू-वरांकडचे वऱ्हाडी मोठ्या उत्साहाने सहभागी झाले होते... विवाहाचे विधी संपन्न झाल्यावर निवृत्ती आणि सुमनबाईंनी एकमेकांना हार घातले तेव्हा मांडवात टाळ्यांचा कडकडाट झाला. प्रत्येकांच्या चेहऱ्यावर उत्साह आणि वधु-वराच्या चेहऱ्यावरून समाधान ओघळत होतं. वयामुळे थकलेलं शरीर, मनाचं घुसमटलेपण आणि त्यातच अंगावर येणारं एकाकीपण ही आपल्या समाजातली मोठी समस्या बनून गेलीय. पण निवृत्ती आणि सुमनबाईंनी या वयात लग्नाचं पाऊल उचलून नव्या विचारांना तारुण्य बहाल करत आयुष्याची काळवंडलेली संध्याकाळ सोनेरी करून टाकलीय. असंच म्हणावं लागेल.

WebTittle :: VIDEO | Husband, 80, and WIFE, 68

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com