12 वर्षांपूर्वी मुंबईवर दहशतवादी हल्ला झाला. पण, हल्ल्याच्या आठवणी अजूनही ताज्या आहेत. कसाबने केलेल्या गोळीबारात जखमी झालेल्या अशाच एका धाडसी मुलीची कहाणी तुम्हाला सांगणार आहोत. तिला या भ्याड हल्ल्याचा बदला घेण्यासाठी पोलिस व्हायचंय. कोण आहे ती धाडसी तरुणी. पाहुयात.
ही आहे देविका रोटावत. 26/11 हल्ल्यातील दहशतवादी अजमल कसाबला ओळखणारी बालसाक्षीदार. हल्ल्यात जखमी झालेल्या देविकाला हल्ल्याचा बदला घेण्यासाठी पोलिस व्हायचंय. दहशतवाद्यांशी सामना करायचाय. हल्ल्याच्या वेळी देविका 10 वर्षांची होती...मात्र कोर्टात तिच्या साक्षीने सर्वांनाच चकित केले होतं. त्या वेळीही तिने कोर्टात कसाबकडे बोट दाखवून "याने माझ्यावर गोळी झाडली' असे ठामपणे सांगितले होतं. कुबड्यांच्या साह्याने ती कोर्टात आली तेव्हा देविका बोलेल का असा प्रश्न सगळ्यांनाच पडला होता. मात्र ती केवळ बोललीच नाही तर कसाबला आव्हान देत पायाला गोळी लागूनही मी उभी राहू शकते, हे तिने दाखवून दिलं.
देविकाची ही धडाडी आता 12 वर्षांनंतरही कायम आहे. उजव्या पायात गोळ्या घुसल्यामुळं झालेल्या शस्त्रक्रिया, उपचार, घरची हलाखीची परिस्थिती न थांबणाऱ्या अडथळ्यांवर मात करत पोलिस होण्याचे तिचे स्वप्न आहे. पण, त्या दिवशी काय घडलं होतं ते पाहुयात.
दहशतवादाला ती बळी पडली तिचा सामना आता तिला पोलिस होऊन करायचाय. अजमल कसाबची साक्ष दिली तेव्हाच मुंबईतच शिकायचे आणि पोलिस दलात काम करायचं, हे पक्कं केलंय. दहशतवादाची भीती अजूनही आहे. पण आता शिकून पोलिस व्हायचं आणि देविकाला दहशतवाद्यांशी सामना करायचाय. देविकाचं हे स्वप्न पूर्ण होवो हीच इच्छा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.