तुम्ही चिकन खात असाल तर ही बातमी काळजीपूर्वक पाहा. कारण, गावठी कोंबडीच्या नावाखाली बोगस कोंबड्या ग्राहकांच्या माथी मारल्या जातायत. ही सर्व फसवणूक महाराष्ट्रभर सुरूय.
कोंबड्या किलबलाटाचा आवाज वापरावा) चिकन आणायला आपण दुकानात गेलो की, हा आवाज आपल्या कानात घुमत राहतो. कोरोनाकाळात गावठी कोंबडी आरोग्याला चांगली असते म्हणून आपण गावठी कोंबडी मागतो. मग दुकानवाला रंगीबेरंगी पिसं असलेली कोंबडी कापायला घेतो. पण मंडळी, तिथंच आपली फसवणूक झालेली असते. कारण फक्त पिसं रंगीबेरंगी असली म्हणून ती कोंबडी गावठी असेलच असं नाही. कारण, गावरान, आर आर आणि नगर-डी नावाच्या संकरित कोंबड्या गावठी म्हणून सर्रास विकल्या जातायत.
दीडशे-दोनशे रुपयांच्या या संकरित कोंबड्या गावठी म्हणून आपल्या गळ्यात तब्बल चारशे-पाचशे रुपयांना मारल्या जातायत. म्हणून गावठी कोंबडी ओळखणं गरजेचं असतं.
संकरित कोंबडीचे पाय पिवळेधमक असतात आणि शेतात पाळलेल्या कोंबड्यांच्या पायांवर खवलं आणि काळसरपणा असतो, त्याचप्रमाणे गावठी कोंबडीची नखं अधिक धारदार असतात. गावठी कोंबड्यांची चोच लांब असते तर संकरित कोंबडीची चोच कापलेली असते. गावठी कोंबड्या काटक असतात, मात्र संकरित कोंबड्यांमध्ये मांस अधिक प्रमाणात असते.
कोरोनाला दूर ठेवण्यासाठी आणि गावठी कोंबडी आरोग्याला अधिक फायदेशीर असल्याने गावठी कोंबड्यांना मागणी वाढलीय. हेच हेरून चिकन विक्रेते ग्राहकांची लूट करतायत. त्यामुळे, ग्राहकांनी अधिक जागरूक राहायला हवंच पण, अशी फसवणूक करणाऱ्या चिकन विक्रेत्यांवर कारवाई व्हायलाच हवी.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.