Bihar Marriage News: 'मुलगा चांगला दिसत नाही, मला तो अजिबात आवडला नाही. मी त्याच्याशी लग्न (Marriage) करणार नाही' असं सांगून एका तरुणीने लग्नमंडपातच लग्नाला नकार दिला. ही धक्कादायक घटना बिहारच्या (Bihar) भागलपूर जिल्ह्यामध्ये घडली आहे. नवरीच्या या निर्णयामुळे नवरदेवाकडील नातेवाईकांना मोठा धक्का बसला. धुमधडाक्यात वरात घेऊन आलेल्या नवरदेवाला नवरीला न घेताच घरी परतावे लागले.
हे प्रकरण भागलपूरच्या रसाळपूर गावातील आहे. मंगळवारी रात्री धुम धडाक्यात नवरदेवाची वरात आली. लग्नसोहळ्यात सगळीकडे आनंदाचे वातवरण होते. लग्न सुरु असताना वरमाळा घालताना नवरीने नवरदेवाचा चेहरा पाहिला. नवरदेवाचा चेहरा पाहून नवरीने वरमाळा घालण्यास आणि लग्नास नकार दिला. मुलीच्या आई-वडिलांसह सर्व नातेवाईकांनी तिची समजूत काढली. ऐवढंच नाही तर त्यांनी हात जोडून तिच्याकडे विनंती सुद्धा केली. तरी देखील नवरीने कोणाचेच ऐकले नाही.
लग्न करण्यास नकार देत नवरी स्टेजवरुन निघून गेली. या नवरीने सांगितले की, 'तो मुलगा माझ्या लायकीचा नाही. तो माझ्यापेक्षा वयाने मोठा आणि काळा आहे. मला इतक्या मोठ्या मुलाशी लग्न करायचे नाही' नवरीचे हे कारण ऐकून लग्नाला उपस्थित असलेल्या सर्वांना धक्का बसला. 'जर मी लग्न केलं किंवा कोणी जबरदस्तीने माझं लग्न लावून दिलं, तर मी आत्महत्या करेल, अशी धमकी या नवरीने दिली.
नवरीच्या या निर्णयामुळे सर्वांना आश्चर्याचा धक्का बसला. नवरदेवाच्या वडिलांनी देखील नवरीला समजावण्याचा प्रयत्न केला पण तिने काहीच ऐकले नाही. या घटनेमुळे नवरदेवाला मोठा धक्का बसला. महत्वाचे म्हणजे लग्नासाठी वाजत-गाजत वरात घेऊन आलेल्या नवरदेवाला नवरीशिवायच एकटं घरी जावं लागलं. नवरीच्या वडिलांनी सांगितले की, माझी मुलगी असा काही निर्णय घेईल असं वाटलं नव्हतं. सध्या या लग्नाची सगळीकडे चर्चा होत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
