Delhi Viral News: दिल्ली मेट्रोतील (Delhi Metro) अनेक व्हिडिओ आतापर्यंत सोशल मीडियावर (Social Media) व्हायरल झाले आहेत. दिल्ली मेट्रोतून कधी माकड प्रवास करतंय, कधी कोणी अंघोळ करतंय, कधी कोणी गोधडी घेऊन झोपतंय, कधी तरुणी बिकिनीवर प्रवास करते, तर कधी कपल किस करतंय. दिल्ली मेट्रोतल्या या व्हिडिओंनी आतापर्यंत सोशल मीडियावर धुमाकूळ घातला आहे. अशामध्ये दिल्ली मेट्रोतला आणखी एक व्हिडिओ (Viral Video) सोशल मीडियावर व्हायरल होत आहे. एका मुलाने मुलालाच प्रपोज केल्याचा हा व्हिडिओ असून तो सर्वांचे लक्ष वेधून घेत आहे.
@profesorsahab या ट्विटर अकाऊंटवरुन हा व्हिडिओ शेअर करण्यात आला आहे. दिल्ली मेट्रोमध्ये एक मुलगा हातामध्ये गुलाबाचे फुल घेऊन कोणाची तरी येण्याची वाट पाहत उभा आहे. मेट्रोमध्ये प्रवाशांची प्रचंड गर्दी आहे. अशामध्ये दशरथ पुरी मेट्रो स्टेशन आल्यानंतर एक मुलगा मेट्रोच्या आत प्रवेश करतो. मेट्रोचा दरवाजा उघडताच हा मुलगा आत येतो. तेवढ्यात हातामध्ये गुलाबाचे फुल घेऊन उभा राहिलेला मुलगा गुडघ्यावर बसून दुसऱ्या तरुणाला गुलाबाचे फुल देतो आणि त्याची गळेभेट घेतो.
तरुण दुसऱ्या तरुणाला प्रपोज करतानाच्या या व्हिडिओला ‘तू ही यार मेरा’ हे गाणं लावण्यात आलं आहे. तरुणाचे हे कृत्य पाहून मेट्रोमधील सर्व उपस्थित प्रवासी हसू लागतात. तर त्याचवेळी मुलांच्या शेजारी उभ्या असलेल्या एका तरुणीची रिअॅक्शन पाहण्यासारखी आहे. मेट्रोमध्ये उपस्थित असलेल्या प्रवाशांनी हा व्हिडिओ आपल्या मोबाईलमध्ये कैद केला. हा व्हिडिओ सध्या सोशल मीडियावर व्हायरल होत आहे. या व्हिडिओला 76 हजारांपेक्षा जास्त व्ह्यूज मिळाले आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
