Bath On Bike Case Filed: धावत्या दुचाकीवरची ठंडा ठंडा कूल कूल अंघोळ पडली महागात; Video व्हायरल, गुन्हा दाखल

Ulhasnagar Viral Video: सध्या मुंबईसह उपनगरांमध्ये उकाडा फार वाढला आहे. अशात या उन्हापासून वाचण्यासाठी उल्हासनगरच्या एका तरुणाने देसी जुगाड शोधला. हा जुगाड या तरुणाला चांगलाच भोवला आहे. दुचाकीवर अंघोळ करणाऱ्या तरुण आणि तरुणीवर गुन्हा दाखल करण्यात आला आहे. (Bath On Bike)

या बाबत अधिक माहिती अशी की, तीन दिवसांपूर्वी एक तरुण आणि तरुणी दुचाकीवर बसून अंघोळ करत होते. गर्मीपासून थोडा थंडावा मिळावा म्हणून त्यांनी असं केलं होतं. त्यांचा हा व्हिडिओ सोशल मीडियावर जोरदार व्हायरल झाला होता. व्हिडिओ व्हायरल झाल्यावर नागरिकांनी यावर वेगवेगळ्या प्रतिक्रिया दिल्या. कहींना हा देसी जुगाड फार आवडला तर काही व्यक्तींनी यावर संतप्त प्रतिक्रिया दिल्या.

अशात व्हिडिओ व्हायरल झाल्यावर अनेक माध्यमांवर याचे वृत्त देखील आले. त्यानंतर मध्यवर्ती पोलिसांनी या तरुणाचा आणि तरुणीचा शोध घेण्यास सुरूवात केली. तसेच कलम २७९ आणि मोटार वाहन कायदा १२९ अन्वये त्यांच्यावर गुन्हा दाखल करण्यात आला आहे. आदर्श शुक्ला असे या तरुणाचे नाव आहे.

आदर्शचा या आधी देखील आणखीन एक व्हिडिओ व्हायरल झाला होता. या व्हिडिओमध्ये त्याने चक्क दुचाकीवर एक बर्फाची लादी ठेवली होती. तसेच त्या लादीवर बसून तो दुचाकी चालवत होता. सध्या सर्वत्र उकाडा फार वाढला आहे. यापासून बचाव व्हावा म्हणून प्रत्येक जण आपल्या पद्धतीने काही ना काही उपाय करत आहेत. अशा देसी जुगाडचे अनेक व्हिडिओ व्हायरल झालेत.