मुंबई लोकल ट्रेनमधून रोज हजारो प्रवाशी प्रवास करतात. या प्रवासादरम्यान अनेकांची जोरदार भांडणे होतात. मुंबई लोकल आतापर्यंत स्टंटबाजी आणि हाणामारीसाठीच चर्चेत आली आहे. आता देखील मुंबई लोकल ट्रेनमधून एक स्टंटबाजीचा व्हिडीओ व्हायरल झाला आहे. (Latest Marathi News)
व्हायरल व्हिडीओमध्ये एक तरुण ट्रेनमधून प्रवास करत आहे. प्रवास करताना तो धावत्या ट्रेनमधून स्टंटबाजी करत खाली उतरतोय. तरुणाचा हा स्टंट सोशल मीडियावर व्हायरल झाला आहे. व्हिडीओपाहून नेटकरी देखील यावर संतप्त प्रतिक्रिया देत आहेत.
व्हिडीओमध्ये तुम्हीही पाहू शकता की, तरूण ट्रेनला जोडून असलेल्या पायऱ्यांवर उभा राहिला आहे. या पायऱ्यांवर उभे राहत तो ट्रेन फलाटापर्यंत पोहचण्याआधीच त्यातून उडी मारतो. तरुण खाली पडताच त्याला बराच मार लागला असावा अशी शंका अनेकांच्या मनात येते. सुदैवाने या तरुणाला कोणतीही दुखापत होत नाही.
लोकल ट्रेन फलाटावर आल्यानंतर देखील ट्रेन स्लो होऊन धावत असताना अनेक जण धावती ट्रेन सोडतात. दरवाजावर उभे राहतात. अशा पद्धतीने प्रवास करताना मोठे अपघात घडतात. या अपघातात आतापर्यंत अनेकांनी आपला जीव गमावला आहे.
सध्या व्हायरल होत असलेला व्हिडीओ कुर्ला-मानखुर्द दरम्यानचा आहे. @Jaswant55804218 या ट्वीटर अकाउंटवर हा व्हिडीओ पोस्ट करण्यात आला आहे. जसवंत सिंग यांनी हा व्हिडीओ पोस्ट करत सदर तरुणावर कारवाई करण्याची मागणी केली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
