Accident Video Viral: मानवी साखळी करुन व्यक्तीला गाडीतून बाहेर काढलं, अन् काही क्षणात गाडी दरीत कोसळली; पाहा व्हिडीओ

Viral Video: सोशल मीडियावर अनेक व्हिडीओ व्हायरल होत असतात. यामध्ये अनेक अपघातांचेही व्हिडीओ असतात. असाच एक अपघाताचा व्हिडीओ समोर आला आहे. एखाद्या सिनेमाचं शूटिंग सुरु आहे की काय असं वाटेल पण ही खरी घटना आहे.

गाडी चालवताना काळजी घेणे खुप महत्त्वाचं असतं. एका चुकीची तुम्हाला खुप मोठी किंमत चुकवावी लागू शकते. असाच एक व्हिडिओ लोकांचे लक्ष वेधून घेत आहे. ज्यामध्ये एक कार खोल दरीत पडताना दिसत आहे. त्याआधी काही लोक प्रयत्नांची पराकाष्ठा करुन कारमध्ये बसलेल्या व्यक्तीचा जीव वाचवतात. व्हायरल व्हिडिओ कुठला आहे याबाबत काहीही माहिती मिळू शकलेली नाही.

व्हिडीओच्या सुरुवातीला रस्त्याच्या बाजूला असलेल्या खड्ड्यामध्ये एक कार अडकलेली दिसत आहे. तर काही लोक मिळून कारमध्ये बसलेल्या व्यक्तीची सुटका करण्याचा प्रयत्न करताना दिसत आहेत. चार लोक एकमेकांचा हात धरत खड्ड्यात अडकलेल्या कारमधील व्यक्तीला बाहेर काढताना दिसत आहेत. (Accident News)

या लोकांच्या प्रयत्नांना यश मिळतं आणि गाडीतील व्यक्तीचा जीव कसाबसा वाचतो. गाडीतील व्यक्ती बाहेर येता अडकलेली गाडी खोल दरीत कोसळते. जर व्यक्तीला गाडीतून बाहेर काढलं नसतं तर त्याचं काय झालं असतं याचा विचारही करवत नाही. काळजाचा ठोका चुकवणारा हा व्हिडीओ सध्या सोशल मीडियावर व्हायरल होत आहे.

ट्विटरवर @cctvidiots या हँडलवरुन हा व्हिडीओ शेअर करण्यात आला आहे. अवघ्या 15 सेकंदांचा हा व्हिडिओ आतापर्यंत 3.5 मिलियन वेळा पाहिला गेला आहे, तर जवळपास 12 हजार लोकांनी या व्हिडिओला लाईक केले आहे.