ब्युरो रिपोर्ट, साम टीव्ही, मुंबई
अनेकदा आपण भाज्या, दूध, फळे, भाजी यांसारखे अनेक पदार्थाची फ्रिजमध्ये साठवण करतो.
परंतु काही गोष्टी किंवा खाद्यपदार्थ असे आहेत जे फ्रीजमध्ये ठेवण्यापूर्वी विचार करणे आवश्यक आहे.
तुम्हाला प्रश्न पडला असेल की कोणते पदार्थ ठेवावेत आणि कोणते नाही तर ते जाणून घ्या
केळी फ्रिजमध्ये ठेवू नये ती लवकर काळी पडतात, तर केळी फ्रिजमध्ये ठेवल्याने ठेवण्यासाठी इथिलीन गॅस बाहेर पडतो, जो फ्रीजमध्ये ठेवलेल्या इतर गोष्टींसाठीही हानिकारक असतो.
कलिंगड फ्रीजमध्ये ठेवणे टाळा, विशेषतः ते अर्धे कापल्यानंतर ठेऊ नये. असे केल्याने या फळांमध्ये आढळणारे अँटी-ऑक्सिडंट्स नष्ट होतात, तसेच त्यांची चवही बदलू लागते.
मधही फ्रीजमध्ये ठेवू नये, मध फ्रीजमध्ये ठेवल्याने त्याचा रंग आणि रूप बदलते.
बाजारातून ब्रेड आणताच तो फ्रिजमध्ये ठेवतात. ब्रेड फ्रीजमध्ये ठेवणे टाळावे कारण ब्रेड फ्रिजमध्ये ठेवल्याने ते लवकर सुकायला लागते. त्यामुळे त्याची चवही बदलते.
टोमॅटो फ्रीजमध्ये ठेवणे टाळावे. फ्रीजमध्ये ठेवल्याने टोमॅटोची वरची त्वचा कुजण्यास सुरुवात होते, त्यासोबतच ते लवकर खराब होतात. यामुळे आरोग्याच्या समस्या निर्माण करू शकतात