ब्युरो रिपोर्ट, साम टीव्ही, मुंबई
आपल्यापैकी बऱ्याचजणांना उशीशिवाय झोप लागत नाही. म्हणजे उशी वापरणे ही एक सवय झाली आहे.
उशीमुळे आरामदायक वाटते, झोपेची स्थिती सुधारण्यास मदत होते आणि झोप सुद्धा छान लागते.
हे योग्य असले तरी लहान बाळासाठी उशी वापरणे चूकीचे ठरू शकते. कारण उशी वापरणे लहान बाळासाठी हानीकारक ठरु शकते.
पण लहान मुलांना उशी का घेऊ नये यामागचे कारण जाणून घ्या
बाळाच्या जन्मानंतरच्या सुरुवातीच्या काही महिन्यांमध्ये बाळाची मान आणि डोके नियंत्रित नसते.
अशावेळी, बाळाचे नाक किंवा तोंड उशीने किंवा इतर मऊ पांघरुणाने झाकले गेले तर बाळ आपले डोके हलवू शकणार नाही. यामुळे लहान मुलांना गुदमरण्याचा धोका असतो.
लहान मुलांना वेगवेगळ्या घटकांची ऍलर्जी असते. जसे की पक्षांची पिसे, धूळ इत्यादींविषयी मूलं खूप संवेदनशील असतात.
उशीवर झोपल्यामुळे तुमच्या बाळाला विविध प्रकारची ऍलर्जी होऊ शकते. म्हणूनच, बहुतेक बालरोगतज्ज्ञ बाळास सपाट आणि टणक पृष्ठभागावर झोपवण्यास सांगतात.