Boycott Adipurush: ट्विटरवर सर्वाधिक 'आदिपुरुष' बॉयकॉट ट्रेंडमध्ये

मुंबई: पुन्हा एकदा बॉलिवुडमध्ये (Bollywood) बॉयकॉट ट्रॅंडवर (Boycott Trend) चांगलाच जोर वाढत आहे. नुकताच भूषण कुमार दिग्दर्शित 'आदिपुरुष' चित्रपटाचा टीझर प्रदर्शित झाला होता. त्या टीझरवर नेटकऱ्यांसह प्रेक्षकांनी चांगलेच टिकेची झोड उठवली आहे. चित्रपटात प्रभासची भूमिका असल्याने चित्रपटाची चर्चा जोरदार होती. पण चाहत्यांनी टीझर पाहताच त्याला सोशल मीडियावर (Social Media) ट्रोलिंगसह (Trolling) मीम्सचा पाऊस पडत आहे.

रावणाच्या बिसराख गावातील गावकऱ्यांनी रावणाच्या लूकसोबत चित्रपटावर बंदी करण्याची मागणी केली आहे. पाहा बातमी...

सैफ अली खान चित्रपटात रावणाच्या भूमिकेत दिसत आहे. रावणाच्या भूमिकेत सैफला पाहता ट्रोलर्स 'रावण नसून औरंगजेब आहे' असे म्हणतात. 'आदिपुरुष' चित्रपटाला ट्विटरवरील #BoycottAdipurush हा ट्रेंड लाखोंहून अधिक युजर्स वापरत आहे. अनेकांनी 'आदिपुरुष' चित्रपटाचा टीझर पाहताच भारतीय संस्कृतीचा अपमान केला असे मत आहे. चित्रपटात रामायणाचे चुकीचे चित्रण करण्यात आले आहे.

चित्रपटातील व्हिएफएक्स व अॅनिमेशन ट्रोलर्सच्या चांगलेच निशाण्यावर आहे. रामायणातील काही दृश्यांचा फोटो लावत 'नो बिगबजेट, नो 3D रिलीज, जस्ट सिंपलीसीटी' अशा आशयाचे फोटोही प्रदर्शित केले आहे. तसेच लक्ष्मण व रावणाच्या लूकवरुनही ट्रोल केले जात आहे.

चित्रपटात प्रभासने रामाची भूमिका साकारली आहे. सोबतच क्रिती सेननने सीतेची भूमिका साकारली असून ज्या भूमिकेवरुन, लूकवरुन सर्वाधिक रणकंदन होत आहे ती भूमिका म्हणजे रावणाची. रावणाचे पात्र सैफ अली खानने साकारले. तर लक्ष्मणाचे पात्र सनी सिंग साकारत आहे. पुढील वर्षी १२ जानेवारी रोजी IMAX आणि 3D मध्ये चाहते हा चित्रपट पाहू शकतील. पौराणिक शैलीत असलेला चित्रपट हिंदी, तामिळ, मल्याळम, कन्नड या भाषेत चित्रपट पाहता येणार आहे. टी-सीरीजने चित्रपटाची निर्मिती केली असून चित्रपटाचे दिग्दर्शन भूषण कुमारांचे आहे.