The Kapil Sharma Show: छोट्या पडद्यावरील लोकप्रिय कॉमेडी शो द कपिल शर्मा शोचा आगामी सीजन लवकरच प्रेक्षकांच्या भेटीला येणार आहे. यावेळी कपिल शर्मा या शोमध्ये प्रेक्षकांचे भरभरून मनोरंजन करणार आहे. कपिल शर्मा शोच्या नवीन सीझनमध्ये कोण असणार आहे? प्रेक्षकांमध्ये याबाबतची उत्कंठा वाढली आहे. द कपिल शर्मा या शोच्या नव्या पर्वामध्ये भुवन बाम दिसणार असल्याच्या वेगवेगळ्या चर्चा सुरू आहे.
कपिल शर्मा शोचा नवा सीजन लवकरच प्रेक्षकांच्या भेटीला येणार आहे. या सिझनबाबत कपिलनं सोशल मीडियावर माहिती दिली. सोशल मीडियावर शोच्या आगामी सीझनचा प्रोमो व्हायरल होत आहे. ज्यामध्ये भुवन बामसह एमसी स्टॅन, हर्ष गुजराल आणि डॉली सिंह दिसत आहेत. ज्यामध्ये कपिल शर्मा भुवनला त्याच्या यूट्यूब चॅनलबद्दल प्रश्न विचारताना दिसत आहे. याचवेळी कपिलने भुवनला त्यांच्या अडनावबद्दल विचारले असता, भुवनने त्यावर मजेदार किस्सा सांगितली आहे.
नुकतचं सोनीच्या सोशल मीडिया पेजवर कपिल शर्मा शोच्या आगामी एपिसोडचा प्रोमो शेअर केला आहे. ज्यामध्ये सोशल मीडिया सेलिब्रिटी युट्यूबर भुवन बाम, हर्ष गुजराल, डॉली सिंग आणि एमसी स्टॅन एकत्र दिसत आहेत. दरम्यान कपिल शर्मा भुवनला त्याच्या नावाबद्दल विचारतो आहे, कपिलने भुवनला इशारा करत, "मला एक सांग की, भुवन या तुझ्या नावाच्या आधी 'बाम' हे तुझे अडनाव आहे..., तू सुरुवातीला केलेला युट्यूब कंटेंट पाहून मलाही असचं वाटलं होतं की. खरचं तुला बामची गरज आहे का?
यावरने भुवन म्हणतो, मी माझे संपूर्ण आयुष्य याच माझ्या नावाच्या विनोदाने जगलो आहे. लहानपणी शाळेतही मला माझे मित्र झंडू बाम म्हणायचे. यावरती माझ्या मोठ्या भावाने मला सांगितले की ज्यावेळेस तुला कोणी झंडू बाम बोलेल तेव्हा तू त्यांना लावू का ?? असे म्हण. तुला कोणीच काही बोलणार नाही...
माहीतीनुसार, भुवन बामने युट्यूबच्या माध्यमातून लोकप्रियता मिळवली आहे. त्याने त्याच्या करिअरची सुरूवात देखील अशीच केली होती. कॉमेडी व्हिडिओ शेअर करत भुवन प्रेक्षकांचे मनोरंजन करत होता. बीबी के वाइन या त्याच्या व्हिडिओला मिळालेली प्रसिध्दी पाहून त्याने अभिनय कारकिर्दीला सुरुवात केली. यानंतर त्याने त्याचा एक म्युझिक व्हिडिओही सादर केला. भुवनचे तेरी मेरी कहानी हे गाणं प्रेक्षकांच्या पंसतीस आले. यानंतर भुवनने संग हूँ तेरे, सफर यासांरखी अनेक गाणी सादर केली
Edited By: Manasvi Choudhary
