Chest Pain Reason: तुमच्या देखील छातीत सतत दुखते ? असू शकते 'हे' कारण

Chest Pain Reason : कधीतरी अचानक आपल्याला छातीत दुखू लागते त्यामुळे आपल्याला मनात भीती निर्माण होते. साधारणपणे छातीत दुखणे हे हृदयाच्या संबंधित गंभीर आजाराची समस्या असू शकते. पण त्याची इतर कारणे देखील असू शकतात.

याची कारणे अनेकवेळा जुनाट आजार किंवा सध्याच्या कोणत्याही वैद्यकीय स्थितीकडे प्रकर्षाने दर्शवणाऱ्या आहेत. छातीत दुखणे स्थिर किंवा अस्थिर असू शकते. कधीकधी ही वेदना मानेपासून कंबरेपर्यंत देखील असते. पण या दुखण्याचे नेमके कारण काय ? हृदयाच्या समस्यांसोबत, छातीत दुखण्याशी संबंधित इतर काही कारणे जाणून घेऊया.(chest pain causes)

छातीत दुखण्याशी संबंधित कारणे

वेरी वेल हेल्थ डॉट कॉमच्या मते, अॅसिड रिफ्लक्स, पित्ताशयाचे खडे, जीईआरडी, पित्ताशयाची जळजळ आणि इतर स्वादुपिंडाच्या आजारांसारख्या पचनसंस्थेशी संबंधित समस्यांमुळेही कधी कधी छातीत दुखू शकते.

1. श्वसन प्रणालीशी संबंधित कारणे

फुफ्फुस आणि श्वसनमार्गाचे आजार हे छातीत दुखण्याचे मुख्य कारण आहे. दमा, ब्राँकायटिस, न्यूमोनिया किंवा COPD सारख्या समस्यांमुळे कधीकधी छातीत तीव्र वेदना होतात.

2. मानसिक कारण

पॅनीक अटॅक दरम्यान अनेक वेळा लोकांना छातीत दुखते. यासोबतच तणाव, नैराश्य आणि PTSD सारखे विकार छातीत दुखण्यात महत्त्वाची भूमिका बजावू शकतात.

3. हृदयाची समस्या

छातीत दुखणे बहुतेकदा हृदयाशी संबंधित समस्यांशी संबंधित असते. कार्डिओमायोपॅथी, हृदयविकाराचा झटका (Heart-attack) किंवा रक्तवाहिन्या आणि स्नायूंच्या अडथळ्यामुळे छातीत मध्यम ते तीव्र वेदना होऊ शकतात.

छातीत दुखणे प्रत्येक वयोगटात वेगवेगळ्या तीव्रतेने आणि वेगवेगळ्या कालावधीच्या कारणाने होऊ शकते. अशा परिस्थितीत घाबरण्याऐवजी काही सोपे घरगुती उपाय जाणून घेतल्यास या समस्येवर उपाय होऊ शकतो.

1. हळद

प्रतिजैविक आणि बरे करण्याचे गुणधर्म असलेली हळद जळजळ कमी करते, ज्यामुळे छातीत दुखण्यापासून आराम मिळतो. पोटाशी संबंधित समस्यांशी लढण्यासोबतच हळद हृदयाशी संबंधित आजारांपासूनही बचाव करते.

2. कोल्ड पॅक

हृदयाच्या स्नायूतील अस्वस्थता हे छातीत दुखण्याचे एक प्रमुख कारण आहे आणि ते शांत करण्यासाठी कोल्ड पॅक हा एक स्मार्ट पर्याय असू शकतो.

3. बेकिंग सोडा

अर्धा चमचा बेकिंग सोडा ४ कप पाण्यात (Water) मिसळून प्यायल्याने छातीत जळजळ किंवा अॅसिडिटीपासून सुटका मिळते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.