Diwali Detox Drink : दिवाळीत अतिरिक्त फराळाचे सेवन झाले आहे ? 'हे' पदार्थ करतील शरीराला डिटॉक्स

Diwali 2022 : दिवाळी हा दिव्यांचा सण आहे. या सणात आपण नवीन कपडे, फराळ, मिठाई व इतर अनेक पदार्थ यात असतात. ज्यामुळे दिवाळी आणखी खास बनते. यापैकी बहुतेक पदार्थ एकतर तळलेले असतात किंवा त्यात भरपूर साखर असते आणि त्यामुळे ते आपल्या पचनसंस्थेवर भारी पडतात.

आपण किती जरी काळजी घेतली तरी त्याचे दुष्परिणाम आपल्याला भोगावे लागतात. सण हे असे असतात जेव्हा जास्त प्रमाणात खाण्याची शक्यता असते.पण तुम्हाला काळजी करण्याची गरज नाही कारण दिवाळीनंतर काही पदार्थांचे डिटॉक्सिफिकेशन हे ब्लोटिंग आणि अॅसिडिटीपासून मुक्त होण्याचा एक चांगला मार्ग असू शकतो. ज्यामुळे तुमची चयापचय पुन्हा सुरळीत होण्यास मदत होईल. येथे काही सोपे पदार्थ आहेत जे तुम्हाला दिवाळीनंतर डिटॉक्स करण्यास मदत करतील. (Latest Marathi News)

1. लिंबू पाणी

पाणी (Water) आपल्याला शरीरातील विषारी पदार्थ बाहेर टाकण्यास मदत करते. पाण्यात लिंबाचा रस मिसळल्याने आतड्यात अल्कधर्मी वातावरण निर्माण होऊन आम्लपित्तविरूद्ध लढण्यास मदत होते. त्यामुळे दिवाळीनंतरच्या दिवसाची सुरुवात एक ग्लास कोमट लिंबूपाणी पिऊन करा.

2. फळे

दिवाळीनंतर (Diwali) डिटॉक्स करण्यासाठी फळे हा एक उत्तम मार्ग आहे. फळांमध्ये भरपूर जीवनसत्त्वे, खनिजे आणि सर्वात महत्त्वाचे म्हणजे अँटी-ऑक्सिडंट्स आणि फायबर असतात. दिवसभर वेगवेगळ्या फळे खाल्ल्याने तुमचे शरीर स्वच्छ होण्यास मदत होईल.

3. दही

दही हा प्रोबायोटिक्सचा समृद्ध स्रोत आहे. प्रोबायोटिक्स हे निरोगी बॅक्टेरिया आहेत जे निरोगी आतडे तयार करण्यात मदत करतात आणि आतडे विषारी पदार्थांपासून मुक्त होण्यास मदत करतात. शरीराला डिटॉक्स करण्यासाठी एक वाटी दही खा.

4. ग्रीन टी

ग्रीन टीमध्ये भरपूर अँटीऑक्सिडंट असतात. हे अँटीऑक्सिडंट्स फ्री रॅडिकल्सशी लढायला मदत करतात. दिवाळीनंतर डिटॉक्स करण्यासाठी एक किंवा दोन कप ग्रीन टी पिणे फायदेशीर आहे.

5. कच्च्या भाज्या

सॅलडच्या स्वरूपात कच्च्या भाज्या आपल्या शरीराला आवश्यक असलेले फायबर, अँटिऑक्सिडंट्स, जीवनसत्त्वे आणि खनिजे प्रदान करू शकतात. तुमच्या डिटॉक्स जेवणात कच्च्या भाज्यांचा समावेश केल्याने तुम्हाला तुमच्या आतड्यांच्या हालचालींवर नियंत्रण ठेवण्यास मदत होईल आणि अँटिऑक्सिडंट्स तुमच्या शरीरातील विषारी पदार्थ काढून टाकण्यास मदत करतील.

6. हळद

हळदीमध्ये कर्क्युमिन नावाचे घटक असतात. कर्क्यूमिनमध्ये उत्कृष्ट अँटिऑक्सिडेंट गुणधर्म आहेत. अर्धा चमचा हळद आणि चिमूटभर काळी मिरी एक ग्लास कोमट पाण्यात घेतल्याने कर्क्युमिन तुमच्या शरीरातील मुक्त रॅडिकल्सशी लढण्यात व्यस्त राहते.

7. लसूण

दिवाळीनंतर डिटॉक्स फूड म्हणून लसूण उत्तम ठरू शकतो. लसूणमध्ये अॅलिसिन नावाचे सेंद्रिय संयुग भरपूर प्रमाणात असते. अॅलिसिन एक शक्तिशाली अँटिऑक्सिडेंट आहे. लसूण ठेचून आतमध्ये ऍलिसिन सक्रिय करते. हा ठेचलेला लसूण दही किंवा इतर पदार्थांमध्ये घातल्यास फ्री रॅडिकल्समुळे होणाऱ्या नुकसानाशी लढा मिळू शकतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.