Recipe : सध्या गणेशोत्सवानिमित्त मुलांना शाळेला सुट्टी आहे. त्यामुळे पुन्हा एकदा पालकांचे टेन्शन वाढले आहे. गणेशोत्सव म्हटलं की, मुलांना सतत गोडाचे पदार्थ खायला आवडतात.
या काळात आपण अनेक गोडाच्या पदार्थांची चव चाखत असतो परंतु, सतत गोड खाऊन देखील कंटाळा येतो किंवा मुले (Child) गोडामुळे तिखट खाणे सोडून देतात. वाढत्या वयात मुलांना अधिक पोषक तत्वांची गरज असते. त्यामुळे त्याच्या आहारात आपण पौष्टिकतेने भरलेल्या पदार्थांचा समावेश करायला हवा. त्यासाठी जाणून घेऊया खमंग अशा थालीपीठाची रेसिपी
साहित्य -
ज्वारी, बाजरी, गहु, बेसन, तांदळाचे पीठ - प्रत्येकी एक एक वाटी
हळद - १/४ चमचा
हिंग - १/४ चमचा
धणे पावडर - १ चमचा
जीरे पावडर - १ चमचा
लाल मिर्ची पावडर - १ चमचा
ओवा - १/२ चमचा
सफेद तीळ - २ चमचे
आलं, लसूण व मिरच पेस्ट - २ चमचे
मीठ
तेल (Oil)
बारीक चिरलेला कांदे - ३
बारीक चिरलेली कोथिंबीर - १ वाटी
कृती -
१. सर्वप्रथम सगळे पीठ एकत्र करुन घ्या. त्यानंतर त्यात हळद, हिंग, धणेपूड, जीरेपूड, लाल तिखट, ओवा, आलं, लसूण व मिरच पेस्ट, बारीक चिरलेला कांदा व कोथिंबीर घालून चांगले मिक्स करा.
२. त्यानंतर त्यात मीठ व पाणी घालून चांगले मळून घ्या. त्यावर थोडे तेल व तीळ घालून पुन्हा मळून घ्या.
३. नंतर सुती कापड ओला करुन तो पोळपाटावर ठेवा. तयार पीठाचा गोळा घेऊन त्याला भाकरीसारखे थापा.
४. त्यानंतर तयार झालेल्या थालीपीठाला मध्यभागी होल करा व तव्यावर भाजण्यास ठेवा. होल केलेल्या थालीपीठात हळूहळू तेल घालून चांगले भाजून घ्या व दह्यासोबत सर्व्ह करा.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.