WhatsApp Setting : WhatsApp ग्रुपमध्ये अधिक सदस्य असल्यास लगेच बदलेल 'ही' सेंटिग, चॅट करताना येऊ शकतात अडचणी

WhatsApp Setting : WhatsApp हे जगभरात वापरले जाणारे सोशल मीडिया प्लॅटफॉर्म आहे. या ऍपद्वारे आपण सहज लोकांशी कनेक्ट होऊ शकतो. हव्या त्या व्यक्तीशी हव्या त्या वेळेस आपल्याला बोलता येते. आपल्या वापरकर्त्यांना याची चांगली सुविधा मिळावी यासाठी हे ऍप वेळोवेळी बदल करत असतात. त्यातच यावेळी ग्रुपची सदस्यता वाढवण्यात आली आहे. त्यामुळे आपण ग्रुपमध्ये अधिक माणसांना अॅड करु शकतो.

सध्या WhatsApp वापरकर्त्यांना नवीन वैशिष्ट्यांचा लाभ देत आहे आणि विस्तृत रोलआउटपूर्वी, बीटा टेस्टर्ससह नवीन वैशिष्ट्यांची चाचणी केली जाते. WhatsAppच्या बीटा व्हर्जनमध्ये केलेल्या बदलांमुळे असे दिसून आले आहे की जर एखाद्या ग्रुपमध्ये 256 पेक्षा जास्त सदस्य असतील तर त्याचे नोटिफिकेशन आपोआप म्यूट केले जातील.

अलीकडे व्हॉट्सअॅपने ग्रुपमध्ये (Group) सहभागी होणाऱ्यांची संख्या वाढवली आहे आणि मेसेजिंग अॅप वापरणाऱ्यांनाही कम्युनिटी फीचरचा लाभ मिळत आहे. WhatsApp बीटा आवृत्ती वापरणाऱ्या वापरकर्त्यांना असे आढळून आले आहे की 256 पेक्षा जास्त सहभागी असलेल्या ग्रुप सेंटिग बदलेली जाते अर्थात ग्रुप स्वत: म्यूट केला जातो. याच्या सततच्या नोटिफिकेशनमुळे इतरांना त्रास होऊ नये म्हणून ही सेंटिग व्हॉट्सऍपद्वारे करण्यात आली.

WhatsApp अपडेट ट्रॅकरने माहिती दिली

WABetaInfo, मेटा-मालकीच्या अॅप्ससाठी अद्यतनांचे परीक्षण आणि मागोवा घेणारी वेबसाइट, कंपनीने आपल्या अॅपमधील नवीन वैशिष्ट्याची चाचणी करत असल्याचे सांगितले आहे. रिपोर्टनुसार, "मोठ्या ग्रुप चॅट्स आपोआप म्यूट करणाऱ्या फीचरमुळे नोटिफिकेशन्सची संख्या कमी होईल आणि काही बीटा युजर्सवर चाचणी केल्यानंतर, पुढील काही दिवसांमध्ये त्याचे विस्तृत रोलआउट पाहिले जाऊ शकते."

ग्रुपमधील सदस्यांच्या संख्येत वाढ

WhatsAppने अलीकडेच एक मोठा बदल केला असून, ग्रुप चॅटमध्ये सहभागी होणाऱ्यांची संख्या वाढवली आहे. आता एका WhatsApp ग्रुपमध्ये 1024 सदस्यांचा समावेश करता येईल. तसेच, एका ग्रुपमध्ये इतके सदस्य असण्याचा अर्थ असा आहे की त्याला भरपूर संदेश प्राप्त होतील आणि त्यांच्या सूचना वापरकर्त्यांना त्रासदायक ठरू शकतात. हेच कारण आहे की जर तुम्ही 256 पेक्षा जास्त सदस्य असलेल्या ग्रुपचा भाग असाल तर तो आपोआप म्यूट होईल.

सर्व वापरकर्त्यांना सारखीच सेंटिग

WhatsApp वरील समुदाय वैशिष्ट्य आता Android, iOS आणि वेबवरील सर्व वापरकर्त्यांसाठी आणले जात आहे. हे फीचर युजर्सना नवीन टॅबच्या रुपात दाखवले जात आहे आणि याच्या मदतीने अनेक ग्रुप्स एकत्र जोडले जाऊ शकतात. समुदायांचा उद्देश वापरकर्त्यांना समान आवडीनिवडी आणि नापसंतांसह जोडणे हा आहे.