Bhandara News: रुग्णालयात दाखल पतीचा डबा करताना घडले अघटीत; गॅस लिकेजमुळे घराला आग

शुभम देशमुख

भंडारा : रुग्णालयात दाखल पतीसाठी डबा घेऊन जाण्यासाठी सकाळच्या सुमारास पत्‍नी स्वयंपाक करत होती. याचवेळी (Gas) गॅस सिलेंडरच्या गळतीमुळे अचानक आग लागून घर पेटल्याची घटना घडली. मात्र सुदैवाने (Bhandara) या घटनेत कुठलीही जीवितहानी झाली नाही. (Tajya Batmya)

भंडारा जिल्‍ह्यातील लाखांदूर तालुक्यातील मोहरणा येथे सदर घटना आज सकाळी घडली. भाऊराव भिवा दिघोरे असे घटनेतील पीडित घर मालकाचे नाव आहे. भाऊराव दिघोरे हे काही दिवसांपासून उपचारासाठी रुग्णालयात दाखल आहेत. पत्‍नी दररोज सकाळी पतीचा डबा घेवून रुग्णालयात जात असते. त्‍यानुसार दररोजप्रमाणे पत्‍नी आज देखील डबा करायला किचनमध्‍ये गेली. याचवेळी गॅस गळती होवून स्‍फोट झाला व आग (Fire) लागली.

मोठे आर्थिक नुकसान

गॅस गळती होवून घराला आग लागल्‍यामुळे घर जळाले आहे. सुदैवाने आगीत कुठलीही जीवितहानी झाली नसली, तरी मोठे आर्थिक नुकसान झाले आहे. संबंधित गॅस कंपनीकडून नुकसान भरपाई मिळण्याची गावकऱ्यांसह पीडित कुटुंबीयांनी केली आहे.