>> सचिन कदम
Bus Accident On Mumbai Goa Highway : भरधाव वेगात असलेल्या खासगी बसचं टायर फुटून मुंबई-गोवा महामार्गावर भीषण अपघात झाला आहे. टायर फुटल्याने चालकाचं बसवरील नियंत्रण सुटलं आणि प्रवाशांनी भरलेली बस पलटी झाली. या भीषण अपघातात बसमधील ७ प्रवासी गंभीर जखमी झाले आहेत.
मुंबई-गोवा महामार्गावर (Mumbai Goa Highway) चांडवे गावाच्या हद्दीत हा खासगी लक्झरी बसला अपघात झाला. भरधाव वेगात असलेल्या बसचा टायर फुटल्याने चालकाचे बसवरील नियंत्रण सुटले आणि बस पलटी झाली. हा अपघात मध्यरात्री पावणे ३ वाजण्याच्या सुमारास झाला.
रत्नागिरी ते मुंबई असा प्रवास करणाऱ्या या बसमध्ये अपघातादरम्यान 22 प्रवासी प्रवास करीत होते. त्यापैकी 7 प्रवाशांना दुखापत झाली असून यातील ४ जण गंभीर जखमी आहे. या चारही प्रवाशांना 4 पुढील उपचारासाठी मुंबई येथे हलवण्यात आले आहे, तर किरकोळ दुखापत झालेल्या प्रवाशांना महाडच्या ट्रॉमा केअर युनिटमध्ये प्रथोमोपचार देऊन डिस्चार्ज देण्यात आला आहे. (Bus Accident)
दरम्यान या अपघात प्रकरणी बस चालकाविरुद्ध भा.द.वी. कलम 279, 337, 338 सह मोटार वाहन कायदा प्रमाणे महाड MIDC पोलीस ठाण्यात गुन्हा दाखल करण्यात आला आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
