Dhule News: दहिवेल कृषी उत्पन्न बाजार समितीत लिलाव पाडला बंद; कांदा उत्पादक शेतकऱ्यांचा रास्ता रोको

धुळे : साक्री तालुक्यात कांदा उत्पादक शेतकरी आक्रमक झाले आहेत. कांद्याला भाव मिळत नसल्यामुळे संतप्त (farmer) शेतकऱ्यांनी लिलाव बंद पाडत कृषी उत्पन्न बाजार समितीच्या (Bajar Samiti) बाहेर असलेल्या दहिवेल-पिंपळनेर रस्त्यावर संतप्त शेतकऱ्यांनी रास्ता रोको केला आहे. (Tajya Batmya)

कांद्याला अपेक्षीत दर मिळत नाही. बाजार समितीमध्‍ये अगदी कमी दरात कांद्याची (Onion) खरेदी केली जात आहे. यामुळे कांद्याला योग्य दर मिळावा यासाठी कांदा उत्पादक शेतकरी आक्रमक झाले आहेत. दरम्‍यान आज साक्री तालुक्यातील दहिवेल येथील कांदा मार्केटमध्‍ये कांदा विक्रीसाठी आलेल्‍या कांदा उत्पादक शेतकरी आक्रमक झाले.

वाहतुकीचा खोळंबा

शेतकऱ्यांनी रास्ता रोको केल्यामुळे वाहतुकीचा मोठ्या प्रमाणात खोळंबा झाला असून रस्त्याच्या दुतर्फा वाहनांच्या लांबच लांब रांगा लागल्याचे बघावयास मिळाले. साक्री तालुक्यातील दहिवेल येथील कांदा मार्केट येथे कांदा उत्पादक शेतकरी कांद्याला योग्य दर मिळत नसल्यामुळे आक्रमक झाले आहेत.