Eknath Shinde vs Uddhav Thackeray : नाशिकमधून एक धक्कादायक बातमी समोर आली आहे. नाशिकमध्ये शिवसेना उद्धव बाळासाहेब ठाकरे गट आणि बाळासाहेबांची शिवसेना म्हणजेच एकनाथ शिंदे यांच्या गटात जोरदार राडा झाल्याची माहिती आहे. या वादात एका गटाने दुसऱ्या गटावर गोळीबार सुद्धा केल्याचं स्थानिकांनी सांगितलं. घटनेची माहिती मिळताच पोलिस घटनास्थळी दाखल झाले आहेत. (Latest Marathi News)
प्राप्त माहितीनुसार, नाशकातील (Nashik) देवळाली गावात ही घटना घडली आहे. येथे शिवजयंती साजरी करण्यासाठी एक बैठक आयोजित करण्यात आली होती. या बैठकीला ठाकरे गटाचे कार्यकर्ते जमले होते. तर याच ठिकाणी शिंदे गटाचे कार्यकर्ते सुद्धा होते. यावेळी दोन्ही गटातील कार्यकर्त्यांची बाचाबाची झाली.
या बाचाबाचीतून दोन्ही गटातील कार्यकर्त्यांनी एकमेकांना शिवीगाळ केली. क्षणार्धात तणाव इतका वाढला, की यातील एका गटाने दुसऱ्या गटावर गोळीबार केल्याची माहिती स्थानिकांनी दिली. या बैठकीवेळी किरकोळ कारणावरून बाचाबाची झाली यावरून दोन्ही गट आमनेसामने आले. यातून एका गटाने गोळीबार केल्याची माहिती समोर आली आहे. (Maharashtra Political News)
दरम्यान, घटनेची माहिती मिळताच पोलिसांनी घटनास्थळी दाखल झाले. दोन्ही गटाच्या कार्यकर्त्यांना पोलिसांनी हुसकावून लावले आहे. या घटनेनं परिसरात काही काळ तणावाचं वातावरण निर्माण झालं होतं. मात्र, दोन्ही गटातील कार्यकर्ते निघून गेल्यानं तणाव निवळला आहे. दरम्यान, नेमका कोणत्या गटाने गोळीबार केला? या घटनेचा तपास पोलिसांनी सुरू केला आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
