भुसावळ (जळगाव) : रेल्वेत कर्मचारी असलेल्‍या इसमाने एकाचवेळी आई व पत्‍नीचा खून केल्‍याची धक्कादायक घटना आज सकाळी भुसावळ (Bhusawal) शहरात उघडकीस आली आहे. दुहेरी खुनाच्‍या घटनेमुळे शहरात खळबळ उडाली असून (Police) पोलिसांकडून तपास सुरू आहे. (Latest Marathi News)
भुसावळ शहरातील वांजोळा रोडवरील शगुन इस्टेट येथील रहिवासी हेमंत कुमार भूषण हा रेल्वेत नोकरीला आहे. तो आपली आई आणि पत्नीसह वास्‍तव्‍यास होता. हेमंत याचा काही महिन्‍यांपुर्वीच विवाह झाला होता. कौटुंबिक वाद (Crime News) होत असल्‍याने या वादातून त्याने आई सुशीलादेवी (वय ६०) आणि पत्नी आराध्य हेमंत कुमार भूषण (वय २४) यांना तव्याने मारहाण करत हत्‍या केली.
मध्‍यस्‍थी करायला गेलेला शालक जखमी
दरम्यान हेमंत याचा शालक ॠषभ हा त्याच्या घरी आला होता. पती– पत्‍नीमध्‍ये वाद हेात असल्‍याने आई व शालक मध्‍यस्‍थी करायला गेले. यात हेमंतने आईचा देखील खून केला. तर शालकावर देखील प्राणघातक हल्ला केला असून यात तो गंभीर जखमी झाला आहे. त्याला उपचारासाठी रूग्णालयात दाखल करण्यात आले आहे. दरम्यान, या घटनेची माहिती मिळाल्‍यानंतर डीवायएसपी सोमनाथ वाघचौरे, बाजारपेठ ठाण्याचे निरीक्षक राहुल गायकवाड, सपोनि मंगेश गोंटला, हरिष भोये पोहचले असून चौकशी करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
