मेहुणबारे (जळगाव) : अभियांत्रिकीचे शिक्षण सुरू असताना ते अर्धवट सोडून यूपीएससीची वाट धरली अन्‌ वेळेचे नियोजन करून आत्मविश्वासाच्या बळावर ‘यूपीएससी’तून (UPSC) दुसऱ्याच प्रयत्नात यश (Chalisgaon) संपादन केले. असे करत आजोबांचे स्वप्न साकारले ते वरखेडे (ता. चाळीसगाव) गावातील रोशन कच्छवा या तरुणाने. (Breaking Marathi News)
आजोबाचे स्वप्न केले पुर्ण
रोशनचे आजोबा (कै.) जयसिंग दोधु पाटील यांनी रोशन लहान असतांना आपला नातू युपीएससीची परिक्षा उत्तीर्ण व्हावा, असे स्वप्न पाहिले होते. आजोबाचे हे स्वप्न रोशनने युपीएससीला गवसणी घालून पूर्ण केले. युपीएससीचा अभ्यास त्याने एकाग्रता व झपाटून अभ्यास केला. पहिल्या प्रयत्नात पुर्व परिक्षा उत्तीर्ण झाला. मात्र अंतिम परिक्षेने यशापासून हूलकावणी दिली. त्यामुळे रोशन नाऊमेद झाला नाही. पुन्हा अभ्यासाला लागला आणि दुसऱ्याच प्रयत्नात त्याने युपीएससीत यश मिळविले. यासाठी त्याला आई- वडिल, भाऊ तसेच काका विक्रमसिंग कच्छवा यांचे मार्गदर्शन लाभले.
इंजिनिअरींग सोडले अर्धवट
वडिल केवलसिंग कच्छवा हे सर्वोदय शिक्षण संस्थेच्या धामणगाव आश्रम शाळेत क्लर्क आहेत. तर आई गृहिणी आहे. रोशन याचे पहिली ते तिसरीपर्यंतचे शिक्षण गुढे येथे जिल्हा परिषद प्राथमिक शाळेत झाले. तर चौथी ते पाचवीपर्यंतचे शिक्षण पुण्यात झाले. सहावी व दहावीपर्यंतचे शिक्षण चाळीसगाव येथील अभिनव विद्यालयात झाले. बारावी पूर्ण केल्यानंतर पुण्याला इंजिनिअरींगला प्रवेश घेतला. मात्र इंजिनिअरींगमध्ये त्याचे मन काही रमले नाही. इंजिनिअरींग अर्धवट सोडून नाशिकच्या यशवंतराव चव्हाण मुक्त विद्यापिठात बीएसाठी प्रवेश घेतला. तेथे बीए पूर्ण केल्यानंतर त्याने सरळ युपीएससीला गवसणी घालण्याचा निर्धार केला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
