जळगाव : एकनाथ खडसेंनाही मुलगा होता. त्याचे काय झाले, याचे उत्तर त्यांनी द्यावे. त्यांच्या मुलाने आत्महत्या केली की त्याचा खून झाला, हे तपासण्याची गरज आहे; असे खळबळजनक वक्तव्य राज्याचे ग्रामविकासमंत्री गिरीश महाजन (Girish Mahajan) यांनी माध्‍यमांशी बोलताना केले. (Tajya Batmya)
राष्ट्रवादीच्या (NCP) मेळाव्यात सुदैवाने गिरीश महाजनांना मुलगा नाही, असे वक्तव्य (Eknath Khadse) खडसेंनी केले होते. यावर पत्रकारांनी विचारलेल्‍या प्रश्‍नाला उत्तर देताना महाजन बोलत होते. मला दोन मुली असून, मी त्यांना राजकारणात आणलेल नाही, मला त्याचा आनंद आहे. असेही महाजन यांनी सांगितले.
खडसे अस्वस्थ झालेत
दूध संघात सुरू असलेल्या चौकशीत दररोज काहीतरी बाहेर येत आहे. त्यामुळे एकनाथ खडसे अस्वस्थ झाले आहेत. ते काहीही बोलायला लागले आहेत. ते मला चावट म्हणतात. परवा बोलताना ते म्हणाले, महाजन यांना मुलगा असता तर तोही आमदार आणि सूनही आमदार झाली असती. त्यांचे हे बोलणे चुकीचे आहे. मला दोन मुली आहेत. त्याचा मला अभिमान आहे. मात्र खडसे यांना एक मुलगा होता, त्याचे काय झाले? त्याने आत्महत्या केली की त्याचा खून झाला, हेसुद्धा तपास करण्याची आता गरज आहे. वास्तविक, मला हे बोलायचे नव्हते; परंतु मला आता ते बोलणे भाग पडले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
