जालना : बदनापूर पंचायत समिती कार्यालयात तांत्रिक सहाय्यक म्हणून कार्यरत असलेल्या योगेश बळीराम वटारे यांना रुम पार्टनर ठेवणे चांगलेच महागात पडले. रुममध्ये पार्टनर ठेवलेल्‍या व्यक्तीने त्यांना तब्बल तीन लाख 82 हजाराचा चुना लावला. या प्रकरणी (Badnapur) बदनापूर पोलिस (Police) ठाण्यात गुन्हा दाखल करण्यात आला आहे. (Breaking Marathi News)
बदनापूर शहरातील आनंदनगर परिसरात सदर प्रकार घडला आहे. योगेश बळीराम वटारे हे बदनापूर पंचायत समितीत तांत्रिक सहाय्यक म्हणून कार्यरत आहे. मुख्यालय ठिकाणी कायम हजर राहता यावे, म्हणून त्यांनी शहरातील आनंदनगर परिसरात भाड्याने रुम करून राहण्याचा निर्णय घेतला. दरम्यान त्यात त्यांची ओळख सदाशिव शंकरराव काळे (रा. येरंडेश्वर ता.पूर्णा जि.परभणी) या व्यक्तीशी झाली. या व्यक्तीने आपण पण बदनापूरला रुम शोधत असल्याचे सागितले. दोघांनी मिळून एक रुम घेतली.
चैन, अंगठी व रक्‍कम लांबविली
दोघे ही रुम पार्टनर म्हणून राहत असताना काळे यांनी कार्यक्रमाला जायचे म्हणून वटारे यांच्या गळ्यातील सोन्याची चेन व हातातील अंगठी व त्यांनी रुममध्ये ठवलेले नगदी 1 लाख 82 हजार 500 रुपये वेगवेगळ्या व्यक्तीच्या फोन पे नंबरवर फिर्यादीचा मोबाईलमधूम अशी एकूण 3 लाख 82 हजाराची फसवणूक करून पोबारा केला. वारंवार संपर्क करून ही संबंधीत रुम रुमपार्टनर फोन घेत नसल्याने रुमपार्टनरने आपल्याला 3 लाख 82 हजाराचा चुना लावल्याचे लक्षात आल्‍यावर बदनापूर पोलिस ठाण्यात सदाशिव शंकरराव काळे यांच्या विरूद्ध फसवणूक केल्या प्रकरणी तक्रार दाखल केली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
