Ratnagiri News : रत्नागिरी (ratnagiri) जिल्ह्यातील लांजा नगरपंचायतीच्या (lanja nagarpanchayat) उपनगराध्यक्ष पूर्वा मुळे (purva mule) यांना पदावरून हटवण्यासाठी मुख्यमंत्री एकनाथ शिंदे (cm eknath shinde) यांच्या गटाकडून अविश्वास ठराव दाखल करण्यात आला आहे. या अविश्वास ठरावावर आज (साेमवार) मतदान घेतले जाणार आहे. काेकणातील या राजकीय घडामाेडीकडे शिंदे गटासह (eknath shinde faction) उद्धव ठाकरे गटाचे (uddhav thackeray faction) लक्ष लागून राहिले आहे. (Maharashtra News)
लांजा कुवे नगरपंचायत शिवसेना शहर विकास आघाडीच्या सर्व नगरसेवकांना व्हिप बजावला गेला आहे. या अविश्वास ठरावच्या घडामोडींवर शिंदे गट आणि ठाकरे गटाचे सदस्य सुरक्षित ठिकाणी गेल्याचे समजते.
एकनाथ शिंदे यांनी बंड केल्या नंतर राज्यातील शिवसेनेचे दोन गट तयार होऊन स्थानिक स्वराज्य संस्थामध्ये ही या बंडाचे थेट परिणाम हाेऊ लागले आहेत. लांजा नगर पंचायतमध्ये शिवसेना ठाकरे गटाचे 15 सदस्यांसह गटनेते पद हे पूर्वा मुळे यांच्याकडे आहे. त्या सध्या उपनगराध्यक्ष आहेत, नगराध्यक्ष मनोहर बाईत यांच्यासह 10 जणांनी भाजपचे (bjp) दोन सदस्य घेऊन वेगळा गट तयार केला आहे.
या गटाचे गटनेते पद सचिन डोंगरकर यांना नेमले होते. यावर ठाकरे गटाने उच्च न्यायालयात याचिका दाखल करून आव्हान दिले होते. मात्र याचिकावर कोणताही निर्णय अद्याप झालेला नाही. वा कोणतेही स्थगिती नाही. पूर्वा मुळे यांच्यावर कारवाई याबाबत आता शिंदे गटाने पूर्वा मुळे यांच्यावर अविश्वास ठरावाचे पाऊल उचलले आहे. शिंदे गटाकडे आता भाजपचे दोन सदस्य आणि 08 सदस्य मिळून 10 जणांसह बहुमत आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
