Beed News : बीड जिल्ह्यातील माजलगाव शहराजवळील ऑइल मिलला भीषण आग लागली हाेती. सुमारे पाच तासांच्या अथक प्रयत्नानंतर आग आटोक्यात आली आहे. या आगीत लाखो रुपयांचे सरकीचे पोते आणि साहित्य जळून खाक झाले आहे. (Maharashtra News)
बीडच्या माजलगाव शहरापासून दोन किलाे मीटर अंतरावर असणाऱ्या मुंदडा उद्योग समूहाच्या ऑईल मीलला आग लागली. मध्यरात्री लागलेल्या आगीत सरकीची हजारों पोते व साहित्य जळून खाक झाली असून मोठी आर्थिक हानी झाली आहे.
माजलगाव तालुक्यातील केसापुरी शिवारात माजलगाव – गेवराई रोडवर रामदयाल मुंदडा यांचे मुंदडा उद्योग समूह आहे. या ठिकाणी त्यांची दालमिल व ऑईल मिल आहे. रात्री 11 वाजण्याच्या दरम्यान अचानक ऑईल मिलला आग लागली. या आगीत सरकी असलेले हजारो पोते जळून खाक झाली आहेत, तसेच लाखो रुपयांचा बारदाना देखील जळाला आहे.
आगीची (fire) भीषणता खूप असल्यानं माजलगाव नगर परिषदचे अग्निशमन दल (fire brigade), मानवत नगर परिषदचे अग्निशमन दल, गेवराई नगर परिषदचे अग्निशमन दल, बीड नगर परिषदचे अग्निशमन दल, धारुर नगर परिषदचे अग्निशमन दलाकडून शर्थीचे प्रयत्न होत आहेत.
आग नेमकी कशामुळे लागली ? याबाबत अद्याप माहिती समोर आली नाही. आग लागल्यानंतर जोराची हवा सुटल्याने आगीवर नियंत्रण मिळवणे कठीण झाले होते. दरम्यान आज सकाळी आगीवर नियंत्रण मिळवण्यात यश आले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
