- विनायक वंजारे
Mla Vaibhav Naik News : नितेश राणे (mla nitesh rane) यांनी स्वतःचा पक्ष किती दिवसात विलीन केला याचा इतिहास पाहून नंतरच शिवसेनेवर टीका करावी असा उपरोधक टोला आमदार वैभव नाईक (mla vaibhav naik) यांनी लगावला आहे. शिवसेना पक्ष राष्ट्रवादीत विलीन होणार या राणेंच्या वक्तव्यावर नाईक बाेलत हाेते. (Maharashtra News)
भाजप आमदार नितेश राणे यांनी आज झालेल्या पत्रकार परिषदेत उबाठा (उद्धव बाळासाहेब ठाकरे) शिवसेना ही राष्ट्रवादी काॅंग्रेस (ncp) पक्षात विलीन करावी असा प्रस्ताव गेला आहे असे म्हटलं आहे. आगामी लोकसभा, विधानसभा निवडणुक ठाकरेंचे आमदार घडयाळ चिन्हावर लढविणार आहेत आणि त्याची तयारी संजय राऊत यांनी केल्याचे राणेंनी म्हटलं आहे.
नितेश राणे यांच्या विधानावर आमदार वैभव नाईक म्हणाले राणेंनी स्वतःचा पक्ष किती दिवसांत विलीन केला याचा इतिहास पाहून नंतरच शिवसेनेवर टीका करावी. नितेश राणे यांनी ED च्या भीतीने आपला पक्ष भाजपात विलीन केला. त्यांनी आपल्या मंत्रिपदाची चिंता करावी. तसेच वरिष्ठांशी बोलून लवकरात लवकर निवडणुका घ्याव्यात म्हणजे उद्धव बाळासाहेब ठाकरे शिवसेनेची लोकप्रियता समजेल असा टोलाही वैभव नाईक यांनी नितेश राणेंना लगावला आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
