नांदेड : जिल्ह्यात व शहरात सार्वजनिक ठिकाणी व आठवडी बाजारात महागडे मोबाईल गहाळ होण्याच्या घटना वाढत असल्याने त्याच्या नोंदी संबंधित पोलिस ठाण्यात होत असतात. या घटना वाढत असल्याने मोबाईलधारक हैराण झाले आहेत.
गहाळ (हरवलेल्या) झालेल्या मोबाईलचा शोध घेण्यासाठी पोलिस अधीक्षक प्रमोदकुमार शेवाळे यांनी स्थानिक गुन्हे शाखेचे पोलिस निरीक्षक द्वारकादास चिखलीकर यांना सूचना दिल्या. यावरुन स्थानिक गुन्हे शाखेचे एक पथक शहरात कार्यरत केले. स्थानिक गुन्हे शाखेच्या पथकाने शोध घेतला असता वजिराबाद हद्दीतील अठरा, शिवाजीनगर आठ, भाग्यनगर नऊ, विमानतळ पाच, नांदेड ग्रामीणमध्ये सहा, कंधार व देगलुर प्रत्येकी एक असे एकूण 51 मोबाईल (किंमत आठ लाख एक हजार 900 रुपये) असल्याचे पोलिसांनी सांगितले.
सदरची कारवाई पोलिस अधीक्षक प्रमोदकुमार शेवाळे, अतिरिक्त पोलिस अधीक्षक निलेश मोरे, विजय कबाडे यांच्या मार्गदर्शनाखाली स्थानिक गुन्हे शाखेचे पोलिस निरीक्षक द्वारकादास चिखलीकर यांच्या आदेशावरुन सहाय्यक पोलिस उपनिरीक्षक गोविंद मुंडे, हवालदार शेख चाँद, गंगाधर कदम, सखाराम नवघरे, संजय केंद्रे, दसरथ जांभळीकर, विश्वनाथ इंगळे, बालाजी तेलंग, विठ्ठल शेळके, बजरंग बोडके, गणेश धुमाळ, विलास कदम, राजू सिटीकर व श्री ओढणे यांनी परिश्रम घेतले
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.