शहादा (नंदुरबार) : प्रेयसीने लग्न करण्यास नकार देत प्रेमसंबंध तोडले. याचा विरह सहन न झाल्याने शहाद्यातील जोशीपुरा येथील एका २२ वर्षीय युवकाने गळफास लावून आत्महत्या केल्याची घटना घडली. याप्रकरणी शहादा (Shahada) पोलिसात प्रेयसी व तिचा मित्र या दोघांविरुद्ध आत्महत्येस प्रवृत्त केल्याप्रकरणी गुन्हा दाखल झाला आहे. (Letest Marathi News)
शहादा शहरातील जोशीपुरा भागात राहणाऱ्या सय्यद वैस सय्यद इरफान (वय २२) या युवकाने १ मार्चला दुपारी राहत्या घरी गळफास (Nandurbar News) घेऊन आत्महत्या केली. आत्महत्या करण्यापूर्वी त्याने आत्महत्या का करत आहे? याबाबतची एक सुसाईड नोट लिहून ठेवली होती. घरच्या लोकांनी घटनेची माहिती पोलिसांना दिल्यानंतर प्रभारी पोलीस निरीक्षक राजन मोरे व पथकाने घटनास्थळी जात पाहणी केली. येथे आढळून आलेल्‍या सुसाईड नोटनुसार पोलिसांनी चौकशी केली असता, सदर आत्महत्या प्रेमसंबंध तुटल्यामुळे झाल्‍याचा कयास पोलिसांनी बांधला.
सुसाईड नोटमध्ये लिहील्यानुसार मयत सय्यद वैस सय्यद इरफान याचे शहरातील एका तरुणीशी प्रेम संबंध होते. तिच्याशी त्याला लग्न करायचे होते. संबंधित प्रियसीलाही त्याच्याशी लग्न करायची इच्छा होती. मात्र ही बाब सागर जव्हेरी याला माहिती पडल्यानंतर त्याने सदरची बाब युवतीच्या आईला सांगितली. यानंतर युवतीच्या आईने युवकाशी प्रेम संबंध तोडण्याचा सल्ला युवतीला दिला. दोघांचे प्रेमप्रकरण तुटल्यानंतर विरह सहन न झाल्याने सैय्यद वैसने आत्महत्या केली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
