सागर निकवाडे
नंदूरबार : नंदुरबार जिल्ह्यातील शहाद्यात वनविभागाने (Forest Department) मोठी कारवाई केली आहे. यात वाघाची कातडी (Shahada) आणि नखांची अवैध तस्करी करत असलेल्याच्या आरोपावरून चार जणांना अटक केली आहे. (Maharashtra News)
अटक केलेल्या आरोपींच्या दाव्यानुसार गुजरात राज्यातून वाघाची कातडी आणि नखांची तस्करी केली गेली होती. यानंतर शहाद्यात एका ग्राहकाला याची विक्री केली जाणार होती. वन विभागाला तीन जण शहाद्यात वाघाची कातडीसह नखे अवैधरित्या विक्रीसाठी येणार असल्याची माहिती होती. त्यानुसार वन विभागाने पोलिसांच्या मदतीने सापळा रचला होता.
कातडी व २० नखे जप्त
वन विभागाने सापळा रचून या तीन जणांना अटक केली. त्याचबरोबर ग्राहकाला देखील ताब्यात घेतल्यावर त्यांच्याजवळ असलेल्या वाघाची कातडी, २० नग नखे मिळून आली. आरोपींना न्यायालयाने ५ दिवसांची वन कोठडी सुनावण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.