Pandharpur News : करमाळा येथील शिवसेनेच्या नेत्या व आरोग्यमंत्री तानाजी सावंत यांचे कट्टर समर्थक अशी ओळख असलेल्या रश्मी बागल (rashmi bagal) यांच्या करमाळा येथील आदिनाथ सहकारी साखर कारखान्यावर (Shri Adinath Sahkari Sakhar Karkhana) प्रशासकाची नियुक्ती करण्यात आली आहे. एकाच दिवसात आदेश काढल्यानंतर प्रशासकाने कारखान्याची सूत्रे आपल्या हाती घेतली आहेत. यामुळे रश्मी बागल यांच्या गटास हा मोठा धक्का मानला जात आहे. (Maharashtra News)
आदिनाथ सहकारी साखर कारखान्याच्या संचालक मंडळाची मुदत संपल्यानंतर देखील निवडणूक घेण्यास कसूर केल्याने कारखान्याचे संचालक मंडळ बरखास्त करण्यात आले. त्यानंतर प्रशासक म्हणून सोलापूर येथील प्रादेशिक सहसंचालक कार्यालयाचे विशेष लेखा परीक्षक बाळासाहेब बेंद्रे यांची प्रशासक म्हणून नियुक्ती करण्यात आली आहे. बंद असलेला कारखाना सुरू करण्यासाठी आरोग्य मंत्री तानाजी सावंत (tanaji sawant) यांनी पुढाकार घेतला होता.
दरम्यान करमाळा (सोलापूर) तालुक्यातील श्री आदिनाथ सहकारी साखर कारखान्यावर प्रशासक म्हणून बाळासाहेब बेंद्रे यांची नियुक्ती झाल्यानंतर त्यांनी कारखाना स्थळावर जाऊन (बुधवार, ता. 26) पदभार घेतला आहे.
बेंद्रे यांनी यापूर्वी सोलापूर येथील विशेष लेखापरीक्षक (साखर) वर्ग १ येथे काम पाहिले होते असे समजत आहे. याशिवाय त्यांनी नगर व पुणे येथेही काम पाहिले आहे. प्रादेशिक सह संचालक राजेंद्रकुमार दराडे यांनी त्यांची नियुक्ती केली आहे. नियुक्ती होताच त्यांनी बुधवारी आदिनाथ सहकारी साखर कारखान्यावर येऊन पदभार घेतला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
