Nagpur News : मराठा समाजाला सरसकट कुणबी प्रमाणपत्र द्यावे, या जरांगे पाटील यांच्या मागणी विरोधात आजपासून नागपूरमध्ये कुणबी-ओबीसी संघटना आंदोलनाला सुरुवात करणार आहे. कुठल्याही परिस्थितीत मराठा समाजाला कुणबी प्रमाणपत्र देऊ नये अशी भूमिका या संघटनांची आहे.
आजपासून सुरु होणाऱ्या आंदोलनात सर्व पक्षीय कुणबी-ओबीसी नेतेही सहभागी होणार आहे. मराठा समाजाला कुणबी प्रमाणपत्र आणि ओबीसीमधून आरक्षण देणार नाही, असं आश्वासन सरकार कडून मिळेपर्यंत हे आंदोलन सुरू राहणार आहे. (Latest News Update)
जर सरकारने मनोज जरांगे पाटील यांच्या दबावात येऊन मराठा समाजाला सरसकट कुणबी प्रमाणपत्र दिले तर महाराष्ट्र पेटवू असा इशारा राष्ट्रीय ओबीसी महासंघाचे राष्ट्रीय अध्यक्ष डॉ. बबनराव तायवाडे यांनी दिला आहे.
'सर्वशाखीय कुणबी, ओबीसी आंदोलन कृती समिती'च्या बॅनरखाली हे आंदोलन होणार आहे. सकाळी 11 वाजता संविधान चौकात आंदोलनाला सुरुवात होईल. मराठा समाजाला ओबीसीतून आरक्षण देऊ नये. जातीनुसार जनगणना करावी, ५२ टक्के ओबीसी समाजाला ५२ टक्के आरक्षण द्यावं. केंद्र सरकारने ५० टक्के आरक्षणाची मर्यादा वाढवावी, अशा मागण्या यातून केल्या जाणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
